Read Nhengatu 2 Kurintuwaraita 8 Bible Online

2 Kurintuwaraita 8 - Nhengatu bible

2 Kurintuwaraita 8

¹Semuita, yaputari pekuawa arama sese kua purangasawa Deus uxari ainta supe kuaita ingreja supe aramawaita Masedunia upe.

²Nyãse aintaupurara resewara suuri ainta turusu, asui pirasua resewara ainta aintaukuawa aintawajudari turusu amuita.

³Turusu aintauxari ainta supe kuaye aintaupuderi yawe, hambeu aintaresewara supiwa, aintapia sui aintauxari ainta supe arama puranga aintapawate.

⁴Kirimbawasawa rupi aintaupurandu aintawajudari Deus supe aramawaita pirasuawaita, aintaumundu ainta supe aintamaa arama.

⁵Tiaintaumunya kuaye yamanduariwaa yawe, maa aintauyupiru aintauyuxari aintapawa yaneruixawa supe, asui yande arama yuiri kuaye Deus uputariwaa yawe.

⁶Asui yambeu Titu supe umbawa arama pepiterupi yuiri kua imuraki purangawaa uyupiruwaa kuera.

⁷Kuiri puranga pemunya ainta supe panye, pexariana pepia purangawaa Deus rese, pembeu inyenga purangawaa, pekuawa puranga, pesikari pepuraki ixupe, pegustari yande yuiri, ape perikute pemunya yuiri puranga kua muraki purangawaa.

⁸Tihambeu peajudari ainta tirame peputari anyunte haputari pexari yakuawa pegustari ainta supiwa.

⁹Pekuawate sese kua purangawaa umunya yande arama yaneruixawa Jesus Kristu; rikuwaa ae maa yaneresewara uri uwata yanepiterupi pirasuawaa yawe riku arama kuri penye.

¹⁰Hambeu penye arama yepe nyenga, purangate pemunya panye kua peyupiruwaa pemunya yepe akayu kuxima.

¹¹Kuiri pembawa pemunya ae kutara kuaye suuriwaa yawe peyupiru pemunya irumu kua perikuwaa.

¹²Suuri rame pemee ainta supe aintamaa arama suuri kuri aintausuanti ae, pemee sesewara kua perikuwaa, timaa sesewara kua tiwa periku.

¹³Tihaputari aintauriku turusu periku arama kuaira, maa haputari periku pemaa yepewasu.

¹⁴Maa haputari yepewasu periku pemaa, ape pepuderi pexari ainta supe kuaye peputariwaa yawe nyãse kuiri turusu periku pemaa, asui amu viaji kuri aintauxari penye arama yepewasu kuri penye.

¹⁵Yawe aintaumpinima kuxima: "Kua uwasemuwaa turusu tiuriku turusu isui kua uputariwaa, asui kua uwasemuwaa kuaira tiwatari ixupe ae."

¹⁶Hamee purangawaa Deus supe, nyãse uxari Titu usaru penye puranga ipia sui seyawe.

¹⁷Nyãse uputari umunya kua yapuranduwaa irumu, asui uputari umaa pepiri ipia sui nyãse kirimbawa uputari uajudari.

¹⁸Yamundu irumu kua yanemu aintaukuawawaa sese panye ingreja yaweyawe, nyãse puranga umbeu kua nyenga purangawaa.

¹⁹Kuaita ingrejaita uparawaka ae usu arama yaneirumu uajudari yande yamunya kua muraki purangawaa, aintaumee arama purangawaa Deus kuaita miraita, aintaumee arama purangawaa Deus supe kuaita miraita, aintaukuawa arama suuri yapuraki.

²⁰Tiyaputari amu umanduari puxi yanerese sesewara kua prezenti purangawaa yaxariwaa kuri ainta supe.

²¹Nyãse yaputari yamunya purangawaa Deus umaa, apigawaita umaa arama yuiri.

²²Ape yamundu aintairumu yanemu, kuxima yamaa maye umunya, ape yakuawa uajudari Deus supiwa, ape kuiri kirimbawa uputari uajudari penye nyãse uxari ipia perese turusu.

²³Asui kua Titu yepewasu seirumu, uajudari ixe hapuraki penye arama; asui kua ingreja puraita aintaumundu kuaita yanemuita Kristu purangasawa rese yuiri.

²⁴Ape pexari ingreja supe aramawaita aintaukuawa pegustari ainta, pexari aintaukuawa kuaita apigawaita supiwa kua purangawaa yambeuwaa ainta supe sesewara.