Read Nhengatu Galasiwaraita 1 Bible Online

Galasiwaraita 1 - Nhengatu bible

Galasiwaraita 1

¹Ixe Paulu Jesus umunduwaa ixe, timaa apigawa umunduwaa ixe, maa umunduwaa ixe kua Jesus Kristu yanepaya Deus yuiri kua usupiriwaa ae manusawa sui.

²Ainta kuaita panye uruyariwaita seirumute, ainta supe kuaita ingreja Galasia upe.

³Uxari penye arama ipurangasawa panye penye kua yanepaya Deus ae yuiri yaneruixawa Jesus Kristu, uxari yuiri timaarese penye.

⁴Kua uyuxariwaa simutara yanepekadu resewara uyurawa arama yande isui kua mundu puxuwerawa kuaye uputari yawe kua yanepaya Deus.

⁵Yamee ixupe arama purangawaa yawewarawate, amem.

⁶Hasikie hamaa nyãse kutara pexari kua usenuiwaa penye Kristu purangasawa irumu, peyereu arama amu nyenga rese.

⁷Tiyamaa amu isui nyenga purangawaa maa, maa aikue kuaita uputariwaita utiari penye, aintauputari aintautrukari kua nyenga purangawaa Kristu rese.

⁸Yande rame u yepe anju uriwaa iwaka sui umbue rame yepe nyenga isui kua yambuewaa kuera penye, anyunte puxuwerawa ae.

⁹Kuaye hambeu penye arama: —Hambeu yuiri penye arama, awa rame umbue penye amu nyenga rese isui kua pesenduwaa yaneirumu, anyunte puxuwerawa ae.

¹⁰Maitaa haputari puranga aintaumaa ixe kuaita apigawaita u Deus? Maitaa haputari hamusuuri apigawaita? Haputari rame maa hamusuuri apigawaita timaa Kristu supe arama ixe.

¹¹Nyãse haputari pekuawa penye semuita, timaa apigawaita nyenga kua nyenga purangawaa hambuewaa penye sese.

¹²Nyãse timaa apigawa uxari ixe arama, timaa yuiri apigawaita umbue ixe sese, maa Jesus Kristu uxari hakuawa ae.

¹³Nyãse pesenduana mayetaa hamunyawaa haiku ramere kua judeu nyenga rese, mayetaa kirimbawa hamuruanyana kua Deus ingreja haputari hamukanyemu ae.

¹⁴Asui kirimbawa xinga haiku judewita nyenga rese aintasui kuaita seyawewaita serumuaraita ipitera rupi, nyãse kirimbawa haputari hamunya seramunyaita nyenga.

¹⁵Maa Deus uparawaka ixe hanaseri rundere, asui usenui ixe ipurangasawa irumu.

¹⁶Asui uputari umukame hamaa Taira hambue arama sese aintapiterupi kuaita tiwaita judewita, asui tihayumbue kuaita mundu puraita irumu.

¹⁷Timaa hasu Jeruzalẽ kiti aintapiri kuaita Kristu umunduwaita serundere maa hasu Arabia kiti, asui hayuiri yuiri Damasku kiti.

¹⁸Asui musapiri akayu rire hasu Jeruzalẽ kiti hamaa arama kua Sefa, asui haiku irumu kinzi ara.

¹⁹Asui timaa hamaa amuita aintasuiwaraita kuaita Jesus umunduwaita anyunte hamaa Tiagu kua yaneruixawa tainasawa.

²⁰Deus ukuawa sese kua hampinimawaa penye arama, timaa haganani.

²¹Asui arire hasu Siria kiti, Silisia kiti yuiri.

²²Tire aintaukuawa hamaawana kuaita Kristu ingreja supe aramawaita Judeya kiti,

²³Anyunte aintausendu aintaumbeu: —Kua umuruanyana kuera yande kuiri umbue kua yaruyariwaa kua uputariwaa umukanyemu kuera.

²⁴Asui aintaumee purangawaa Deus supe arama serese.