Read Nhengatu Galasiwaraita 2 Bible Online

Galasiwaraita 2 - Nhengatu bible

Galasiwaraita 2

¹Asui katurzi akayu rire hasu yuiri Jeruzalẽ kiti Barnabe irumu asui Titu yuiri usu yaneirumu.

²Deus umundu hasu akiti, asui hambeu ainta supe kuaita serakuenawaita kua nyenga purangawaa hambuewaa aintapiterupi kuaita tiwaita judewita, yawaite aintaumanduari retentu kua hambuewaa.

³Maa timaa aintauputari aintausirkunsidari kua Titu serumuara nyãse greguwaa ae.

⁴Kuaye aintauputari kuaita uruyariwaita gananisawa uwikewaita uyumimisawa aintaupukuari arama yande nyenga kuximawara upe, nyãse Kristu Jesus uyurawa yande isui.

⁵Tiyasendu ainta supe arama nẽ kuaira, nyãse yaputari kua nyenga supiwa uiku santa pepiterupi.

⁶Asui kuaita umanduariwaita serakuenawaita ainta, timaa arama aintaumbue ixe, timaa arama ixe arama awataa ainta, nyãse timaa Deus uparawaka umaa miraita, yawe hanyee aintarese kuaita umanduariwaita serakuenawaita ainta.

⁷Maa aintaumaa irumu harikute hambue kua nyenga purangawaa ainta supe kuaita mundu puraita tiwaita usirkunsidariwaita, asui Pedru urikute umbue kuaita usirkunsidariwaita.

⁸Nyãse kua upurakiwaa kirimbawa Pedru ipia upe umbue arama kuaita usirkunsidariwaita, upuraki yuiri sepia upe hambue arama kuaita tiwaita judewita.

⁹Asui aintaumaa irumu Deus uxari ixe arama ipurangasawa, Tiagu supe yuiri, Sefa supe yuiri, Juão supe yuiri kuaita uikuwaita santa aintairumu, asui aintaupisika seipu rese Barnabe ipu yuiri aintaumukame yepewasu yande, asui aintauxari yasu yambue kuaita tiwaita judewita, asui ainta aintausu aintaumbue kuaita uyusirkunsidariwaita.

¹⁰Asui yepewasu aintauputari yamanduari kuaita pirasuawaita, asui suuri hamanduari ainta.

¹¹Asui Sefa usika irumu Antiukia kiti hapuamu suaxara nyãse timaa umunya puranga.

¹²Nyãse umbau tiwaita judewita irumu senundere aintauri kuaita yepeyepe aintasuiwara kuaita Tiagu sumuaraita, maa aintausika irumu uyuiri aintasui nyãse usikie aintasui kuaita usirkunsidariwaita.

¹³Asui kuaita amuita judewita mukuĩ aintaumanduarisawa irumu, asui ae yuiri kua Barnabe mukuĩ umanduarisawa aintayawe.

¹⁴Maa hamaa irumu timaa aintauiku satambika sese kua nyenga supiwa umbeuwaa kua nyenga purangawaa, asui hambeu Sefa supe aintaumaawaa upe panye: —Inde judeu, reiku rame aintayawe kuaita tiwaita judewita, timaa aintayawe kuaita judewita. Ape maitaa repuderi remundu kuaita tiwaita judewita aintauiku arama kuaye aintayawe kuaita judewita?

¹⁵Judewita isui yasemu yamaa kua ara, timaa tiwaita judewita puxuwerawaita yande.

¹⁶Maa yakuawate timaa purangawaa yawe Deus umaa kuaita apigawaita aintaumunya resewara kua Deus nyenga kuximawara umbeuwaa, maa yaxari resewara yanepia Kristu Jesus rese. Yande yuiri yaxariana yanepia Kristu Jesus rese purangawaa yawe umaa yande yaruyari resewara Kristu; timaa yamunya resewara Deus nyenga kuximawara umbeuwaa, nyãse tiawa puranga yawe Deus umaa ae umunya resewara kua Deus nyenga kuximawara umbeuwaa.

¹⁷Asui yaputari irumu puranga Deus umaa yande Kristu resewara, anyunte yayumukame puxuwerawaita yande. Maitaa Kristu umunya ipekadu yaneirumu? Umbaa, tiumunya.

¹⁸Maa hasupiri rame yuiri kua hamburiwaa kuera anyunte hayumukame puxuwerawa ixe.

¹⁹Nyãse umanuwaa ixe isui kua Deus nyenga kuximawara irumu kua Deus nyenga kuximawara hapaka arama ixe Deus supe arama. Kuxima hamanu ixe Kristu irumu kurusa rese.

²⁰Ape timaa upakawaa ixe maa upakawaa Kristu sepira upe, asui hapaka ramere ixe sepira upe upaka ixe haxari resewara sepia Deus raira rese kua uyuxari seresewara simutara.

²¹Timaa hamutenyuntu Deus purangasawa. Nyãse puranga rame yande Deus umaa Deus nyenga kuximawara resewara ape maa retentu maa umanu kua Kristu.