Read Nhengatu Galasiwaraita 4 Bible Online

Galasiwaraita 4 - Nhengatu bible

Galasiwaraita 4

¹Hambeu penye arama, kua urikuwaa taira taina ramere ae yepewasute ae ixupe aramawaa irumu, ae pukusawa suixawa panye.

²Maa aintaumukiriari ae, kuaita umbuewaita ae, usaruwaita ae yuiri, ate usika sangawa ipaya umbeuwaa yawe.

³Yawete yuiri yande tainaita ramere yande yamunyare kuaye mundu puraita uputariwaa yawe yamunya.

⁴Maa usikana sangawa Deus umundu Taira unaseri arama kunya sui, uiku Deus nyenga kuximawara rese.

⁵Uyurawa arama ainta uikuwaita Deus nyenga kuximawara rese uxari arama yande tairaita arama.

⁶Sesewara tairaita penye Deus umundu Taira Espiritu yanepia upe umbeu: "Yanepaya, yanepaya."

⁷Ape Deus rese timaa amu supe aramawaa inde, maa taira inde, asui taira resewara inde Deus kuri uxari inde arama panye maa.

⁸Maa kuxima tire pekuawa Deus pepuraki ainta supe arama kuaita peDeus tiwaita Deus ainta.

⁹Maa kuiri pekuawana Deus, u puranga hambeu, kuiri Deus ukuawana penye, maitaa penye? Maitaa peyereu yuiri pesikari arama kua mundu pura pituawaa pirasuawaa, kua peputariwaa pexari yuiri ixupe aramawaa penye?

¹⁰Remanduarire yepeyepe mundu rangawa, yasi yuiri, kurasi yuiri, akayu yuiri.

¹¹Hasikie yawaite retentu hapuraki pepiterupi.

¹²Semuita, hapurandu penye peiku arama yuiri haikuwaa yawe, nyãse ixe yuiri haiku maye peikuwaa yawe. Tipemunya ixe arama puxi.

¹³Nyãse pekuawate hapurara resewara sepira irumu hayupiru hambue penye sese kua nyenga purangawaa.

¹⁴Asui kua semãsisawa resewara pemaa, maa timaa puxi pemaa ixe, tiyuiri pemutenyuntu ixe sesewara, maa pesuanti ixe kuaye Deus anju yawe, kuaye Kristu Jesus yawe yuiri.

¹⁵Ape marantaa tisuuri penye kuiri? Nyãse hapuderi hambeu peresewara puranga, pepuderi rame maa peyuka peresa pemee arama ixe arama ae.

¹⁶Maitaa pemuruanyana ixe kuiri hambeu resewara penye arama nyenga supiwa?

¹⁷Kuaita apigawaita umusuuriwaa penye timaa supiwa ainta, nyãse aintauputari aintautiari penye sesui pemanduari arama ainta puranga.

¹⁸Nyãse purangate pesikari pemunya puranga yawewarawate yawaite pemunya puranga anyunte haiku rame peirumu.

¹⁹Semuita, hapurara yuiri peresewara ate pexari Kristu uiku puranga pepia upe.

²⁰Haputari haiku pepiterupi kuiri, ape, hambeu maa penye arama nyenga suuriwaa irumu, nyãse sasiyara ixe peresewara.

²¹Pembeu hasendu penye uputariwaita yuiri peiku Deus nyenga kuximawara rese: Maitaa tiserá pesendu mayetaa umbeu penye arama?

²²Nyãse aintaumpinima kuera, Abraão uriku mukuĩ taira. Yepe taira ikriada supe arama, asui amu taira ximiriku supe arama.

²³Maa imembira kua ikriada usemu umaa ara Abraão umunya resewara kuaye ipira uputari yawe, maa imembira kua ximiriku unaseri ae Deus umbeuwaa resewara.

²⁴Yawesawa kua hambeuwaa, kuaita mukuĩ kunyaita mukuĩ nyenga ainta; yepe supiwa, yawesawa Sinai yawe kua iwitera, kua uxariwaa prezu yande aete kua kunya Agar.

²⁵Kua Agar aete kua iwitera serawaa Sinai uikuwaa Arabia upe, yawesawa kua Jeruzalẽ nyãse umprezu kua kunya imembira irumu.

²⁶Maa kua Jeruzalẽ iwate suiwara timaa prezu ae, aete yanemaya ae.

²⁷Nyãse aintaumpinima: "Reyumusuuri inde tiwa uriku imembira, inde tiwa remusemu nembira, reyumusuuri nyenga tiapuwaa irumu, inde tiwa sasi nembira, nyãse kua kunya utiariwaa kuera siyapiri imembiraita kua urikuwaa imena sui."

²⁸Maa penye semuita, tairaita penye umbeuwaa resewara kuaye Izaki yawe.

²⁹Nyãse kuxima kua unaseriwaa apigawa uputari resewara umuruanyana kua unaseri kuaye Espiritu uputariwaa yawe, yawete yuiri kuiri.

³⁰Maitaa umbeu aintaumpinimawaa: "Pemburi pesui kua kriada imembira irumu nyãse imembira kua kriada timaa kuri penye arama ae irumu kua taira ximiriku membira."

³¹Ape yawe yuiri yande semuita, timaa imembira yande kua kriada, maa imembiraita yande kua ximiriku.