Read Nhengatu Kulusuwaraita 2 Bible Online

Kulusuwaraita 2 - Nhengatu bible

Kulusuwaraita 2

¹Haputari pekuawa turusu hapurandu perese penye aintayuiri kuaita uikuwaita Laudiseia upe, panye yuiri kuaita tiwaitare umaa seruwa.

²Suuri arama kuri aintapia, yepewasu arama kuri aintauiku gustarisawa rese, aintauriku arama panye ukuawasawa aintaukuawa arama puranga kua nyenga Deus uxariwaa Kristu rese.

³Uyumimi sese panye kua ukuawasawa puranga.

⁴Yawe hambeu penye arama tiarama awa uganani penye umanduarisawa gananisawa irumu.

⁵Haiku rame apekatu pesui sepira upe haiku peirumu sepia irumu, suuri hamaa satambika peiku, santa yuiri peruyari Kristu.

⁶Ape kuaye pesuantiwaa yawe yaneruixawa Kristu Jesus, yawete yuiri pewata irumu.

⁷Sapu arama penye sese, peyukiriari arama puranga sese, peiku arama santa sese kua peruyariwaa, kuaye yambuewaa yawe penye sese, ape pemee ixupe arama purangawaa yawewarawate.

⁸Pemaa pesui tiarama awa upisika penye nyenga ukuawasawa irumu, nyenga ipuraimawaa irumu yuiri, kuaye apigawaita nyenga yawe, kuaye kua mundu uxariwaa yawe aintaumunya Kristu sui.

⁹Nyãse panye Deus ukuawasawa uiku Kristu ipira upe.

¹⁰Asui penye yuiri teresemu penye Kristu irumu, aete aintaakanga panye tuixawaita, panye kirimbawawaita yuiri.

¹¹Sese yuiri peyusirkunsidari irumu kua tiwa yamunya yaneipu irumu, pemusaka resewara pesui pepira puxuwerasawa, aete Kristu sirkunsizão ae.

¹²Asui aintauyutima penye batizmu upe Jesus Kristu irumu, irumu yuiri pepuamu pexari resewara pepia Deus kirimbawasawa rese, usupiriwaa ipupe Kristu umanuwaita pitera sui.

¹³Asui penye yuiri umanuwaita kuera pepuxuwerasawa upe, tiresewara peyusirkunsidari pepira upe uxari upaka penye irumu, asui umburi yanesui panye yanepuxuwerasawa.

¹⁴Asui utiari yanesui panye kua yadeveriwaa ixupe umunyawaa yande arama puxi, asui uyuka yanesui panye ae, umukanyemu ae kurusa rese.

¹⁵Asui umuserana panye demuniwita ruixawaita, panye kirimbawawaita yuiri, asui umutenyuntu ainta aintaumaawaa upe panye, umuserana ainta kurusa rese.

¹⁶Tepexari aintaumbeu puxi perese timbiu resewara uuwaa arama resewara yuiri, u pemanduari resewara kua mundu, yasi pisasua yuiri, sauru yuiri.

¹⁷Nyãse anyunte sangawa kuera ae kua uriwaa kuerana, maa Kristu yara kua ipira.

¹⁸Tepexari aintaumunya penye arama puxi aintauyumukuaira resewara penye arama retentuwaa, tiyuiri aintaumunya resewara kultu anjuita supe arama aintaumanduari resewara aintakerupi, nyãse aintauyumpurakari tenyuntuwara irumu aintaumanduarisawa puxuwerawa irumu.

¹⁹Nyãse timaa aintauiku yaneakanga Kristu rese, kua uyupuiwaa panye ipira uyukiriari arama yepewasute panye kuaita saikaita uyumuapirisawa upe, uyukiriari arama puranga kuaye Deus uxariwaa yawe uyukiriari.

²⁰Pemanu rameana penye Kristu irumu kua mundu sui, marantaa peikure kua mundu yaraita yawe? Marantaa peruyarire aintaumbeuwaa?

²¹Aintaumbeu: "Terepisika neipu irumu kua, tepesaã nyã, tepeyuaki nyã."

²²Kuaye aintaumbeu aintarese kuaita ukanyemuwaita kua mundu upe, kuaye aintaumbeu apigawa nyenga irumu, apigawa umanduarisawa irumu yuiri.

²³Kuaita aintaumunyawaita aintauxari yamanduari ukuawawaita ainta, aintauxari yamanduari puranga aintaumanduari Deus, aintauyumukuaira aintaumpurarakari aintapira, maa retentuwaa ae, anyunte uxari aintaumusuuri aintapira.