Read Nhengatu 1 Tesalunikawaraita 3 Bible Online

1 Tesalunikawaraita 3 - Nhengatu bible

1 Tesalunikawaraita 3

¹Ape tiyapuderi timaarese yande pesui, asui suuri yaiku Atena upe yande mukuĩ.

²Asui yamundu pepiri yanemu Timuteu, kua upurakiwaa Deus supe arama sese kua nyenga purangawa Kristu rese, uajudari arama penye sese kua nyenga peruyariwaa, umusuuri arama yuiri penye.

³Tiarama awa pesuiwara uxari purarasawa umutawa ae, nyãse pekuawa usenui yande yapurara arama.

⁴Yaiku kuera peirumu yambeu penye arama yapurara kuri, kuiri pekuawa yapurarana.

⁵Ape tihapuderi hasaru hamundu pepiri hakuawa arama mayetaa peiku sese kua peruyariwaa, nyãse hasikie yawaite kua gananiwera uganani penye, retentu arama maa kua yapurakiwaa pepiterupi.

⁶Maa kuiri uyuiri rire usika pesui yanepiri kua Timuteu, ururi yande arama nyenga suuriwaa peresewara, peruyari puranga, peyugustari puranga yuiri; asui umbeu yuiri pemaa yande kuaye yamanduariwaa yawe yamaa penye.

⁷Ape semuita, puxi pukusawa yasasawa, yapurara pukusawa, suuri yanepia peruyari resewara puranga.

⁸Maa kuiri yapakate yande peiku rame santa yaneruixawa irumu.

⁹Nyãse peresewara yamee Deus supe turusu purangawaa, nyãse turusu suuri yande Deus umaa.

¹⁰Asui muiri ara muiri pituna yuiri yapurandu Deus irumu, uxari arama yamaa pepiri yawajudari arama penye sese kua watariwaa penye arama, uruyarisawa rese.

¹¹Kuiri haputari yanepaya Deus, yaneruixawa Jesus yuiri, aintaurasu yande puranga yanerapee upe pepiri.

¹²Haputari yaneruixawa uxari uyukiriari puranga peyugustari arama turusu peirumu panye penye, yawete yuiri yande peirumu penye.

¹³Uxari arama pepia uiku santa purangawa rese, tiarama periku puxuwerawa perese yanepaya Deus umaa, uri rame kuri yaneruixawa Jesus, aintairumu panye kuaita uruyariwaita purangawaita.