Read Nhengatu 2 Tesalunikawaraita 1 Bible Online

2 Tesalunikawaraita 1 - Nhengatu bible

2 Tesalunikawaraita 1

¹Ixe Paulu, Silvanu yuiri, Timuteu yuiri, penye arama penye ingreja supe aramawaita Tesalunika upe yanepaya Deus rese, yaneruixawa Jesus Kristu rese yuiri.

²Yanepaya Deus ae yuiri yaneruixawa Jesus Kristu, uxari penye arama ipurangasawa, timaaresesawa yuiri.

³Semuita, yarikute yamee purangawaa Deus supe perese yawewarawate, nyãse kua uruyarisawa uyukiriari perese turusu, asui peyugustari yuiri puranga xinga perumuaraita yawewarawate.

⁴Ape yambeu purangawaa peresewara Deus ingreja upe, nyãse santa peiku peruyarisawa rese, pepurara rame, puxi rame pesasawa.

⁵Ape yakuawa puranga Deus umunya penye arama, puranga arama kuri penye sunde kua yaneruixawa Deus umunduwaa upe, kua pepurarawaa sesewara.

⁶Purangate Deus uxari aintaupurara kuaita uxariwaita pepurara.

⁷Asui penye pepurarawaita, uxari kuri pepitu yaneirumu uri rame kuri iwaka sui yaneruixawa Jesus Kristu, aintairumu kuaita ianjuita ikirimbawasawa resewara.

⁸Uri kuri tata sendiwaa irumu umpurarakari arama kuaita tiwaita ukuawa Deus, aintayuiri kuaita tiwaita uputari uruyari kua nyenga purangawaa yaneruixawa Jesus rese.

⁹Aintaupurara kuri sikuyara, aintaukanyemu kuri yawewarawate, asui yaneruixawa kuri umburi isui ainta, ikirimbawasawa purangawaa sui yuiri.

¹⁰Nyã ara upe kuri uri kuri ae, uxari arama iyaraita umee ixupe purangawaa, aintausikie resewara aintaumaa ae panye kuaita uruyariwaita ae, nyãse peruyariana kua nyenga yambeuwaa penye arama.

¹¹Sesewara tiyanekuere yapurandu perese Deus uxari arama purangawaita penye, usenui resewara penye, pembawa arama pemunya panye kua purangawaa, pepuraki yuiri ixupe ikirimbawasawa irumu peruyari resewara ae.

¹²Nyãse peresewara kuri aintaumee purangawaa yaneruixawa Jesus rera rese, aintaumee arama kuri purangawaa yuiri perese peiku resewara ipia upe, kuaye yaneDeus purangasawa uxariwaa yawe, yaneruixawa Jesus Kristu yuiri.