Read Nhengatu 2 Tesalunikawaraita 3 Bible Online

2 Tesalunikawaraita 3 - Nhengatu bible

2 Tesalunikawaraita 3

¹Asui anyu aramawaa yambeu penye arama yanemuita, pepurandu yanerese yambeu arama yaneruixawa nyenga, aintaumee arama kuri purangawaa sese kuaye pemunyawaa yawe.

²Uyurawa arama yande aintasui kuaita apigawaita tiwaita ukuawa, puxuwerawaita, nyãse timaa panye apigawaita uruyari ae.

³Maa puranga yaneruixawa umunya penye arama, uxari kuri peiku santa; umukaturu kuri penye isui kua Yurupari.

⁴Asui yande yuiri yaneruixawa uxari yakuawa perese pemunya kuaye yamunduwaa yawe pemunya, asui yakuawate pemunya ae yawewarawate.

⁵Kuiri yaputari yaneruixawa urasu pepia Deus gustarisawa rese, sese yuiri kua peiku aramawaa sese yawewarawate Kristu rese.

⁶Kuiri penye semuita, yamundu penye yaneruixawa Jesus Kristu rera rese, petirika isui kua uikuwaa retentuwaa kua tiwa umunya kuaye yambeuwaa yawe penye arama.

⁷Nyãse pekuawate pemunya kuaye yamunyawaa yawe, nyãse nẽ yepe viaji yaiku retentu pepiterupi.

⁸Nyãse nẽ yepe viaji yambau peirumu yawentu, maa yapurara yapuraki muiri ara, muiri pituna yuiri, tiarama iwasu yande penye arama.

⁹Yawe yamunya tisa maa tiresewara yapuderi, maa yaputari yamunya kuaye pemaa arama perangawa.

¹⁰Nyãse yaiku ramere peirumu, yambeu penye arama tiarama pexari umbau peirumu kua tiwa uputari upuraki.

¹¹Nyãse yawe yasendu peresewara, yepeyepe pesuiwara aintauiku retentu, timaa aintaupuraki, aintauwata aintauwike retentu aintaumbeu amu rese.

¹²Asui kuaita yawewaita yambeu ainta supe, yamundu ainta yaneruixawa Jesus Kristu rese, aintaupuraki arama, aintaukiririntu, aintauriku arama kuri aintayara arama.

¹³Asui penye yanemuita, tepekuere pemunya arama puranga.

¹⁴Tirame yepe uputari uruyari kua nyenga yampinimawaa kua papera, pemuyukuawa ae, pemaantu ixupe uyumutiĩ arama.

¹⁵Maa tepemaa ixupe kuaye peruanyana yawe, maa pembeu ixupe kuaye pemu yawe.

¹⁶Kuiri yaputari kua timaaresesawa ruixawa uxari arama timaarese penye yawewarawate mairamentu. Yaneruixawa uiku kuri peirumu panye.

¹⁷Ixe Paulu hampinima penye arama kua kuekatu seipu irumu. Yawe hamusangawa panye hampinimawaita, yawe hampinima seipu irumu.

¹⁸Kuiri yaneruixawa Jesus Kristu purangasawa uiku peirumu panye penye.