Read Nhengatu 1 Timuteu 2 Bible Online

1 Timuteu 2 - Nhengatu bible

1 Timuteu 2

¹Ape panye sui haputari pepurandu kirimbawa panye apigawa rese, pemee yuiri purangawaa aintarese,

²Pepurandu aintarese kuaita tuixawaita, aintarese yuiri kuaita umunduwaita penye, peiku arama puranga, timaarese penye, pemanduari arama puranga kua Deus peiku arama supiwa.

³Nyãse puranga yamunya yawe, nyãse umusuuri kua Deus, kua umukaturuwaa yande.

⁴Uputari umukaturu panye apigawaita, uputari aintaukuawa panye kua nyenga supiwa.

⁵Nyãse anyunte yepenyu Deus, anyunte yepenyu umusasawa nyenga Deus supe, miraita supe yuiri, aete kua apigawa Kristu Jesus.

⁶Kua uyuxari simutara aintaresewara panye, yarikute yambeu sesewara sangawa usikana.

⁷Sesewara uparawaka ixe umbuesara arama ixe, umundu arama ixe yuiri, hambue arama aintauruyari arama supiwa kuaita tiwaita judewita, hambeu nyenga supiwa, timaa haganani.

⁸Ape haputari aintaupurandu Deus irumu kuaita apigawaita panye, aintarendawa yaweyawe, aintausupiri aintaipu timaa ipiaiwasawa irumu, timaa uyakawasawa irumu.

⁹Yawete yuiri kuaita kunyaita aintaurikute aintaumundeu aintarupa aintarese puranga, kuaye ukuawaita yawe, tiarama aintauyupe aintaawa, tiarama aintauyumuse uru irumu, perula irumu yuiri, tiyuiri aintausikari aintarupa sipiwasuwaita.

¹⁰Maa aintaumundeu aintarese aintaumunyawaita puranga, kuaye aintayawe kuaita kunyaita umanduariwaita Deus.

¹¹Kua kunya, pexari usaru arama usendu ukiririntu uruyari arama puranga.

¹²Timaa haxari umbue kua kunya, tiyuiri umundu imena, urikute ukiririntu uiku.

¹³Nyãse Deus uyupiru umunya Adão, asui umunya Eva.

¹⁴Timaa Yurupari uganani Adão, maa uganani rire kua kunya, anyunte uwari ipuxuwerasawa upe.

¹⁵Maa kua kunya umukaturu kuri ae uriku resewara imembira, uiku rame santa uruyarisawa rese yuiri, gustarisawa rese yuiri, purangasawa rese yuiri, ukuawawaa yawe.