Read Nhengatu Ebrewita 13 Bible Online

Ebrewita 13 - Nhengatu bible

Ebrewita 13

¹Yawewarawate perikute pegustari kuaita peimuita.

²Perikute pesuanti puranga kuaita uriwaita pepiri, nyãse aintaumunya resewara yawe kuaita yepeyepe aintausuanti kuera kuaita anjuita tirame aintaukuawa anjuita ainta.

³Pemanduari kuaita prezuwaita kuaye prezuwaa yawe maa penye aintairumu; pemanduari yuiri kuaita aintaumunyawaita ainta supe puxi kuaye aintaumunyawaa yawe maa penye arama puxi.

⁴Perikute perespetari puranga kua kazamentu, timaa ikiawaa kua aintaumunyawaa kuaita umendariwaita, nyãse Deus kuri umbeu aintaresewara kuaita umunya tenyuntu aintapira irumu, aintaresewara yuiri kuaita uxariwaita aintarimiriku.

⁵Tepemuasi penye, asui peiku suuri irumu kua perikuwaa, nyãse umbeu kuera: "Tikuri haxari penye, tiyuiri kuri hamburi penye."

⁶Ape tiyasikie yambeu: —Seruixawa kua uajudariwaa ixe, tikuri hasikie. Maitaa kuri apigawa upuderi umunya ixe arama?

⁷Perikute pemanduari kuaita serakuenawaita kuaita umbuewaita penye Deus nyenga rese; pemanduari mayetaa aintausu kua mundu sui, asui perikute peruyari puranga kuaye aintayawe.

⁸Kua Jesus Kristu interute ae, kuaye uikuwaa yawe kuese, kuiri yuiri, yawete yuiri kuri uiku yawewarawate.

⁹Tepexari aintautiari penye kuaita umbuewaita amu kiti inyenga irumu, maa puranga yamukirimbawa yanepia Deus purangasawa irumu, timaa timbiu irumu, nyãse tiwajudari kuaita umanduariwaita ae.

¹⁰Nyãse yande uruyariwaita yarikute yepe yasapi rendawa, tiaintaupuderi aintaumbau isuiwara kuaita upurakiwaitare Deus ruka upe inyenga kuximawara upe.

¹¹Aintausapi aintapira ukara kiti kuaita nimbawaita aintauxariwaita Deus supe, asui kua saserdutita ruixawa urasu aintaruwi Deus ruka kiti sala puranga purangawaa kiti, uxari arama Deus supe ae aintapuxuwerasawa resewara.

¹²Yawete yuiri kua Jesus upurara ukara kiti umukaturu arama kuaita miraita suwi irumu.

¹³Ape yasu ipiri ukara kiti yaxari arama puxi aintaumaa yande sesewara.

¹⁴Nyãse timaa yasikari yaneretama tiwa upawa ike, maa yaputari kua yariku aramawaa kuri.

¹⁵Ape ipupe kua Jesus yarikute yamee purangawaa Deus supe yawewarawate, nyãse yawe aintaumunya aintayuru irumu kuaita umeewaita purangawaa sera rese.

¹⁶Perikute pemanduari pemunya arama puranga yuiri, perikute peyuajudari yuiri, nyãse suuri Deus umaa kuaita umunyawaita yawe.

¹⁷Peruyari aintanyenga kuaita usaruwaita penye, pesendu ainta supe, nyãse aintausaru penye; asuiwana aintaumbeu aintaresewara mayetaa aintausaru penye. Ape pexari suuri aintausaru penye yawaite yatima aintausaru penye, nyãse pexari rame sasiyara aintausaru penye tikuri periku purangawaa, kirimbawa yanepia Deus purangasawa irumu, timaa timbiu irumu, nyãse tiwajudari kuaita umanduariwaita ae.

¹⁸Pepurandu yanerese, nyãse yakuawate yariku yamanduarisawa ikiaimawaa, yaputari yaiku puranga panye maa rese.

¹⁹Yawe haputari pemunya kirimbawa hapuderi arama kuri hayuiri pepiri kutara xinga.

²⁰Kuiri haputari kua Deus uxariwaa timaarese yande, kua usupiriwaa yaneruixawa Jesus manusawa pitera sui, kua usaruwaa purangawaa kuaita iuvelyaita, kua uxariwaa suwi sesewara kua Deus umbeuwaa tiwa upawa,

²¹Haputari umukaturu penye panye purangawaa irumu pemunya arama kuaye uputariwaa yawe, pemunya arama kua suuriwaa Jesus Kristu, yamee ixupe yawewarawate, amem.

²²Asui penye semuita, haputari peaguentari irumu kua nyenga hampinimawaa penye arama, nyãse kuaira hampinima penye arama.

²³Hambeu pesendu aintauyurawana kua yanemu Timuteu, asui usu rame kutara pepiri irumute kuri hasu hamaa pepiri.

²⁴Hamundu kuekatu ainta supe panye usaruwaita penye, panye uruyariwaita Kuaita Italia upewaraita aintaumundu arama kuekatu.

²⁵Kuiri Deus purangasawa uiku peirumu panye.