Read Nhengatu Ebrewita 3 Bible Online

Ebrewita 3 - Nhengatu bible

Ebrewita 3

¹Ape penye semuita purangawaita, penye usenuiwaita, yepewasu pemanduari sese kua Jesus, kua umunduwaa, kua saserdutita ruixawa sese kua yaruyariwaa;

²Kua umunyawaa puranga ixupe kua umunduwaa ae, kuaye Muize umunyawaa yawe purangawaa panye Deus ruka upe.

³Maa kua Jesus yarikute yamee ixupe turusu piri purangawaa isui kua Muize, kuaye purangawaa yawe uka sui kua umunyawaa ae.

⁴Nyãse panye uka yaweyawe uriku kua umunyawaa ae, maa Deus kua umunyawaa panye maa.

⁵Asui kua Muize umunya puranga panye Deus ruka upe kuaye upurakiwaa yawe, umbeu arama sesewara kua aintaumbeuwaa kuri sakakuera.

⁶Nyãse Deus raira kua Kristu, ape umunya puranga Deus ruka upe. Yande yuiri suka yaiku rame santa sese kua yaruyariwaa, kua yasaruwaa yamaa uxariwaa suuri yande.

⁷Ape kuaye umbeuwaa yawe kua Espiritu Santu: —Uyi ara pesendu rame kua inyenga,

⁸Tepemusanta pepia kuaye tiwa yawe aintauruyari kuera ainta, puxi rame aintausasawa kampu upe,

⁹Akiti kuera peramunyaita ambira usaã ixe hamunya arama ainta supe puranga hakuawasawa irumu.

¹⁰Asui kuarenta akayu aintaumaa kuaita hamunyawaita. Sesewara sepiaiwa aintairumu kuaita miraita. Asui hambeu: —Kuaita miraita puxi aintapia yawewarawate, tiyuiri aintaukuawa kua serapee.

¹¹Asui kirimbawa hambeu sepiaiwasawa irumu: —Tikuri aintauwike hapitu rendawa upe.

¹²Pemaa pesui penye semuita, tiarama puxi yepe ipia pesuiwara, yawaite tiresewara peruyari peyereu penye isui kua Deus upakawaa.

¹³Maa muiri ara, perikute pembeu penye arama peiku pukusawa kua mundu upe, tiarama santa ipia yepe pesuiwara ipuxuwerasawa uganani resewara ae.

¹⁴Nyãse yepewasute yaiku Kristu rese, yaiku rame santa ate anyu aramawaa sese kua yaxariwaa yanepia sese.

¹⁵Umbeu rame: —Kuiri pesendu kua inyenga, tepemusanta pepia kuaye aintaumunyawaa yawe kuera kuaita tiwaita uruyari.

¹⁶Awataa kuaita usenduwaita kuera kuaita tiwaita uruyari ae? Maitaa tiserá kuaita panye kuaita Muize urasuwaita Egitu sui?

¹⁷Awa supetaa ipiaiwa umaa kuarenta akayu. Maitaa tiserá kuaita umunyawaita kuera aintapuxuwerasawa, kuaita ukanyemuwaita kampu upe?

¹⁸Awa supetaa umbeu kirimbawa: —Tikuri aintauwike upitu rendawa upe. Maitaa tiserá ainta supe umbeu yawe kuaita tiwaita uruyari ae?

¹⁹Ape yakuawa tikuera aintaupuderi aintauwike tiresewara aintauruyari.