Read Nhengatu Ebrewita 6 Bible Online

Ebrewita 6 - Nhengatu bible

Ebrewita 6

¹Ape puranga yasasawana isui kua nyenga iwasuimawaa Kristu rese, tuyuwe aramana yande sese, tiarama yayumbue mukuĩsawa sasiyara arama yamanduari yanepekadu uxariwaa yakanyemu, sese yuiri kua uruyarisawa Deus rese.

²Umbuesawa batizmu rese, yaxari yuiri yaneipu amuita rese, sese kua yapuamuwaa manusawa sui, sese yuiri umbeuwaa rupiara yanepekadu anyu aramawaa.

³Yawe yamunya kuri, Deus uxari rame.

⁴Nyãse tiaintaupuderi aintaumanduari sasiyara aintapuxuwerasawa mukuĩsawa kuaita ukuawaitana, kuaita usaãwaita purangawaa kua uriwaa iwaka sui, kuaita urikuita Espiritu Santu.

⁵Kuaita usaãwaita purangawaa kua Deus nyenga, ikirimbawasawa yuiri kua mundu uriwaa kuri;

⁶Aintauwari rame inyenga sui timaa aintaupuderi sasiyara aintaumanduari aintapuxuwerasawa, nyãse ainta supe aramate aintaunupa uyari kurusa rese kua Deus raira mukuĩsawa, aintauxari yuiri puxi aintaumaa ixupe panye.

⁷Nyãse Deus uabensuari kua iwi usiki rire kua amana uwariwaa sese siya viaji, asui umusemu mitima purangawaa ainta supe arama kuaita upurakiwaita.

⁸Maa umusemu rame yuu, kukuna yuiri, retentuwaa maa ae; anyunte yapuderi yambeu puxi sese, asui anyu aramawaa yasapi maa ae.

⁹Maa penye yagustariwaita, yambeu pukusawa penye arama kirimbawa, yakuawate perikuana kua puranga piri sese kua salvasão

¹⁰Nyãse timaa puxi kua Deus sesarai arama isui kua pepurakiwaa, isui yuiri kua pegustarisawa, pemukamewaa aintaumaa sera rese, peajudari resewara kuera kuaita uruyariwaita, kuiri yuiri peajudari ainta.

¹¹Asui yaputari peyaweyawe pemukame aintaumaa kirimbawa peputari pemunya purangawaa, peiku kuri santa sese kua pesaruwaa ate anyu aramawaa.

¹²Tiarama yatima peiku, pemaa arama perangawa ainta, pemunya arama kuaye aintayawe kuaita urikuwaita kua purangawaa, aintauruyari resewara aintaumuturusu resewara aintapia.

¹³Asui Deus umbeu rame Abraão supe kua umbeuwaa, timaa uwasemu amu puranga piri isui umbeu arama maa sese nyenga kirimbawa piri, ape umbeu sesepawate.

¹⁴Unyee ixupe: "Supiwa, haabensuari kuri inde, hamusiya kuri nerimiariruita."

¹⁵Asui kua Abraão umuturusu rire kua ipia, usaru, asui urikuana kua Deus umbeuwaa ixupe.

¹⁶Nyãse kuaita apigawaita aintaumbeu nyenga kirimbawawaa sese kua puranga piri aintasui, asui aintaumbeu resewara kua nyenga kirimbawa aintaupituana aintaumbeu sese.

¹⁷Ape Deus umbeu nyenga kirimbawa sesepawa, uputari rame umukame kuaita urikuwaita kuri kua umbeuwaa, aintaumaa tiutrukari umanduarisawa.

¹⁸Timaa Deus upuderi uganani aintarese kuaita mukuĩwaita tiwaita utrukari, umusuuri arama yande, kirimbawa yande uputariwaita umukaturu yande, yariku arama kuri kua yasaruwaa yanerunde kitirewaa.

¹⁹Kua yasaruwaa uxari ipuse yanepia santa, uxari yamaa yanerunde kiti, iwaka kiti,

²⁰Jesus usu akiti yanerunde, yaneresewara Deus uxari rire saserdutita ruixawa ae yawewarawate kuaye Melkizedeki yawe.