Read Nhengatu 1 Pedru 3 Bible Online

1 Pedru 3 - Nhengatu bible

1 Pedru 3

¹Yawete yuiri penye perikuita pemena, peruyari pemenaita nyenga, tirame yepeyepe aintasuiwara uruyari kua nyenga pexari aintauruyari arama ae pekiriri resewara pemunya puranga penye aintarimirikuita,

²Aintaumaa irumu pesikie Deus sui, aintaumaa yuiri perikusawa purangawaa.

³Penye perikuita pemenaita tepeyumukaturu penyepawa irumu kua yamaawaa, peawa peyupewa irumu yuiri, uru suiwaraita yuiri, perupa siyawaita irumu yuiri.

⁴Maa pemukaturu pepia upe kua Espiritu tiwa ukanyemu, kua uxariwaa tipepiaiwa penye, kua uxariwaa timaarese penye, nyãse sipiwasuwaa yawe Deus umaa ae.

⁵Nyãse yawe kuera yuiri aintauyumukaturu kuaita kunyaita purangawaita, kuaita usaruwaita kuera umaa Deus, asui aintauruyari yuiri aintamena nyenga puranga.

⁶Kua Sara uruyari kuera Abraão nyenga, useruka ae suixawa. Asui kuiri penyete ximiariruita pemunya resewara puranga, tiresewara pexari maantu umutawa penye.

⁷Penye perikuita perimirikuita, peiku ukuawawaita yawe aintairumu kuaita perimirikuita, perespetari puranga kuaita perimirikuita, nyãse pitua xinga ainta pesui, nyãse yepewasu periku kua ipurangasawa upakawaa, tiarama kuri maa umuapatuka penye pepurandu Deus irumu.

⁸Asui kuiri pexari yepewasu pemanduarisawa, puranga peyumaa, pegustari perumuaraita, pirasua peyumaa, tepemanduari purangawaita penye amuita sui.

⁹Tepemunya ainta supe puxi aintaumunya rame penye arama puxi u aintaumbeu rame perese puxi, maa pepurandu aintarese purangawaa, nyãse sesewara usenuiwana penye periku arama kuri purangawaa.

¹⁰Nyãse awa uputari uiku suuri umaa arama siya ara puranga, urikute tiuxari usemu iyuru sui nyenga puxuwerawa, tiyuiri uganani iyuru irumu;

¹¹Urikute uyereu panye puxuwerawa sui umunya arama puranga, urikute usikari timaaresesawa, usu arama sakakuera.

¹²Nyãse yaneruixawa umaa ainta supe sesa irumu kuaita purangawaita, upirari yuiri iapisa kuara aintaupurandu rame irumu Maa yaneruixawa umuyereu aintasui suwa kuaita umunyawaita puxi.

¹³Ape awa kuri umunya penye arama puxi pesikari rame kirimbawa pemunya kua purangawaa.

¹⁴Maa suuri kuri penye pepurara rame pemunyawaita purangawaita resewara Tepesikie aintasui, tepexari aintaumutawa penye.

¹⁵Perikute pekuawa pepia upe peruixawa kua Kristu Yawewarawate perikute pemukaturu pepia upe, pekuawa arama pesuaxara kuaita upuranduwaita penye mayesawataa kua pesaruwaa perikuwaa.

¹⁶Perikute pesuaxara ae timaa ipiaiwasawa irumu pesikie resewara pemaa ae, pemanduarisawa ikiaimawaa irumu, aintauyumutiĩ arama kuri kuaita ukasuariwaita perese sesewara kua purangawaa pemunyawaa Kristu resewara.

¹⁷Deus uputari rame pepurara, ape puranga piri pepurara sesewara kua purangawaa pemunyawaa isui kua puxuwerawa pemunyawaa.

¹⁸Nyãse umanu kua Kristu yepe viajinyu pekadu resewara, kua purangawaa umanu ae aintaresewara kuaita puxuwerawaita, urasu arama yande Deus ipiri, umanu ae ipira upe, maa upakate ae iespiritu irumu.

¹⁹Asui iespiritu irumu usu umbue kuaita espirituita prezuwaita,

²⁰Kuaita tiwaita kuera aintauruyari Deus uriku rame kuera pasiensia usaru pukusawa arame Nue umunya irumu batelão, umukaturu arama parana sui kuaita yepeyepeita mira, uituwaita.

²¹Kuiri umukaturu penye yawete yuiri kua batizmu, maa timaa umuyasuka yanepira sui yanekiasawa, maa yaputari resewara yamanduarisawa ikiaimawaa Deus umaa, Jesus Kristu upuamu resewara iwi kuara sui.

²²Kuxima usu iwaka kiti, asui kuiri uwapika Deus katusawa upe, asui umundu kuaita anjuita, kuaita kirimbawawaita, umunduwaita yuiri.