Read Nhengatu 1 Juão 5 Bible Online

1 Juão 5 - Nhengatu bible

1 Juão 5

¹Panye kuaita uruyariwaita Kristu kua Jesus Deus rairaita ainta, panye kuaita ugustariwaita ipaya, aintaugustari yuiri Taira.

²Ape yakuawa yagustari Deus rairaita yagustari rame Deus, yamunya rame yuiri kuaita umbeuwaa.

³Nyãse yawesawa kua ugustarisawa kua Deus yamunya arama kua umbeuwaa, kuaita umbeuwaa timaa iwasu yamunya ainta.

⁴Panye kuaita unaseriwaita Deus sui aintaumuserana kua mundu, asui kua uruyarisawa aete kua uxariwaa yamuserana kua mundu.

⁵Awataa kua umuserana kua mundu? Aete kua uruyariwaa Deus raira kua Jesus.

⁶Jesus Kristu kua uriwaa ii irumu, tuwi irumu yuiri, timaa uri ii irumupawantu, maa uri ii irumu, tuwi irumu yuiri. Asui kua Espiritu aete kua umbeuwaa sesewara, nyãse supiwa kua Espiritu.

⁷Ape musapiri kuaita umbeuwaita sesewara.

⁸Kua Espiritu, ii, tuwi yuiri, asui yepewasute aintaumbeu kuaita musapiriwaita.

⁹Yaruyari rame kua aintaumbeuwaa kuaita apigawaita, kirimbawa piri kua Deus umbeuwaa, aete kua Deus umbeuwaa Taira resewara.

¹⁰Kua uruyariwaa Deus raira urikute ipia upe kua umbeuwaa. Kua tiwa uruyari Deus, umbeu gananiwera kua Deus, nyãse timaa uruyari kua Deus umbeuwaa Taira resewara.

¹¹Aete umbeuwaa, Deus uxariana yande arama kua sikuesawa tiwa upawa, asui Taira upe kua sikuesawa.

¹²Kua urikuwaa Taira urikute kua sikuesawa, maa kua tiwa uriku Deus raira tiuriku kua sikuesawa.

¹³Yawe hampinima penye arama penye uruyariwaita Deus raira rera rese, pekuawa arama perikute kua sikuesawa tiwa upawa.

¹⁴Yapurandu rame maantu irumu kuaye uputariwaa yawe usendu kuri yande arama, ape suuri yaxari yanepia sese.

¹⁵Yakuawa rame usendu yande arama yapurandu rame irumu maantu, ape yakuawa uxari kuri yande arama kuaita yapuranduwaita irumu.

¹⁶Yepe umaa rame sumuara umunya ipekadu tiwa uxari umanu, upurandu kuri Deus irumu sese, asui usendu kuri ae, asui uxari kuri ixupe sikuesawa kuaita umunyawaita aintapuxuwerasawa tiwa uxari aintaumanu. Aikuete pekadu uxariwaa yamanu, timaa hambeu penye arama pepurandu arama sese.

¹⁷Pekadu panye kua yamunyawaa puxi, maa aikue kua pekadu tiwa uxari yamanu.

¹⁸Yakuawate kua unaseriwaa Deus sui timaa uiku ipekadu rese, maa kua usemuwaa umaa kua mundu Deus sui umukaturu ae, asui kua puxuwerawa tiupuderi upisika ae.

¹⁹Yakuawate Deus suiwaraita yande, yakuawate yuiri panye kua mundu uiku Yurupari upe.

²⁰Asui yakuawate uriana kua Deus raira, asui uxariana yande arama ukuawasawa yakuawa arama kua supiwa, asui yaiku Taira Jesus Kristu ipia upe kua supiwa. Aete kua Deus supiwa, aete kua sikuesawa tiwa upawa.

²¹Serairaita, pemaa pesui kuaita iduluita tiarama peruyari ainta.