Read Nhengatu 3 Juão 1 Bible Online

3 Juão 1 - Nhengatu bible

3 Juão 1

¹Ixe serakuenawaa kuekatu inde arama inde hagustariwaa Gaiu, kua hagustariwaa supiwa.

²Hagustariwaa, haputari kirimbawa puranga arama reiku, puranga arama inde nepira upe yuiri, kuaye purangawaa yawe uiku kua nepia.

³Nyãse suuri ixe turusu aintauri rame kuaita yepeyepe uruyariwaita, asui aintaumbeu neresewara mayetaa reiku supiwa, nyãse reiku sese kua nyenga supiwa.

⁴Nyãse timaa nungara upuderi umusuuri ixe isui kua hasenduwaa setainaita resewara aintauiku sese kua nyenga supiwa.

⁵Hagustariwaa, remunya puranga reajudari rame kuaita uruyariwaita, reajudari aintayuiri kuaita apekatu suiwaraita.

⁶Aintaumbeuwana neresewara ingreja upe maye regustari ainta. Remunya kuri puranga remundu arama ainta aintausu arama puranga kuaye upurakiwaa yawe Deus supe.

⁷Nyãse sesewara kua Sera aintausemuana, asui timaa nungara aintauyuka aintairumu kuaita tiwaita judeu.

⁸Ape yarikute yawajudari kuaita apigawaita, yapuraki arama yepewasu aintairumu sese kua nyenga supiwa.

⁹Hampinimana ainta supe kuaira kuaita ingreja puraita, maa kua Diutrefe ugustariwaa uiku aintaara kiti ae aintapiterupi, tiuputari usuanti yande.

¹⁰Asui hasu rame kuri haxari kuri umanduari kua umunyawaa, kua yuiri kua umbeuwaa yanerese puxi. Asui tiusika ixupe kua umunyawaa, uputari piri tiusuanti kuaita yanerumuaraita, asui usaisu aintausuanti ainta kuaita uputariwaita, asui umburi ainta ingreja sui.

¹¹Hagustariwaa, teremaa nerangawa kua puxuwerawa, maa remaa nerangawa kua purangawaa. Deus suiwara kua umunyawaa puranga; kua umunya puxi timaa umaa Deus.

¹²Asui panye ainta aintaumbeu sesewara puranga kua Demetriu, ae yuiri kua supiwa umbeu yuiri puranga sesewara, asui yande yuiri yambeu puranga sesewara, asui rekuawate supiwa kua yambeuwaa.

¹³Harikute turusu hampinima arama inde arama, maa tihaputari hampinima tinta sawa yuiri irumu ae,

¹⁴Nyãse kutara kuri hamanduari hamaa inde, ape kuri yakuntari puranga.

¹⁵Haputari timaarese inde. Kuaita yanerumuaraita aintaumundu inde arama kuekatu; kuekatu ainta supe kuaita yaneanamaita aintayaweyawe.