Read Nhengatu Apukalipisi 16 Bible Online

Apukalipisi 16 - Nhengatu bible

Apukalipisi 16

¹Asui hasendu yepe nyenga kirimbawa templu sui umbeu ainta supe kuaita seti anjuita: —Pesuana, peyusena mundu kiti kuaita seti kupu teresemuwaa Deus ipiaiwasawa irumu.

²Asui usemu kua primeru anju uyusena ikupu pura kua mundu kiti, asui kuaita apigawaita urikuwaita suu rangawa, umeewaa purangawaa ixupe kua sangawa kuera yuiri, asui iyuka panye aintapira rupi inema ainta merewa puxuwerawa irumu.

³Asui kua mukuĩsawa anju uyusena ikupu pura parana turusuwaa upe, asui parana turusuwaa umuyereu apigawa umanuwaa ruwi yawe, asui umanu panye parana turusuwaa puraita.

⁴Asui kua musapirisawa anju uyusena ipuku pura muiri parana upe panye ii rukena kiti yuiri, asui panye parana uyereu tuwi arama.

⁵Asui hasendu kua parana anju umbeu: —Puranga remunya aintausasawa yawe, inde purangawaa, inde kuiriwaa, inde reikuwaa kuximare.

⁶Nyãse aintaumburiana aintaruwi kuaita uruyariwaita utitikawaita yuiri, asui kuiri aintauu kua tuwi, puranga yawe.

⁷Asui hasendu yepe umbeu aintausapiwaa rendawa sui: —Ẽẽ, inde yaneruixawa Deus inde kirimbawawaa panye sui, supiwa purangawaa rembeu aintarese.

⁸Asui kua kuatrusa anju uyusena ikupu pura kurasi rese, asui usapi kuaita apigawaita tata irumu.

⁹Asui sakuwaa usapi ainta, asui aintaumbeu puxi Deus rera rese kua umunduwaa kua puxuwerawa, asui tisasiyara aintaumanduari aintapuxuwerasawa aintaumee arama purangawaa Deus supe.

¹⁰Asui kua sinkusa anju uyusena ikupu pura suu trunu upe, asui pitunawasu suu umunduwaa upe, asui kuaita apigawaita aintausuu aintaapeku sesewara kua aintaupurarawaa.

¹¹Asui aintaumbeu puxi sese kua Deus iwaka upewaa sesewara kua aintaupurarawaa aintamerewa resewara yuiri, asui tisasiyara aintaumanduari panye aintaumunyawaita.

¹²Asui kua seisa anju uyusena ikupu pura paranawasu upe serawaa Eufrati, asui tikanga panye parana umukaturu arama aintarunde aintarapee kuaita aintaruixawa uriwaita kurasi usemuwaa sui.

¹³Asui hamaa musapiri espiritu ikiawaita yui yawewaa usemuwaa aintayuru sui kua dragão, suu yuiri, utitikawaa gananiwerawaa yuiri.

¹⁴Nyãse demuniwita kuaita espiritu, aintaumunya sangawa, asui aintausu aintapiri kuaita tuixawaita panye mundu kiti aintaumuatiri ainta kera runde aintaumunya arama ara turusuwaa upe kua Deus kirimbawawaa panye sui.

¹⁵Hayuiri kuri kuaye mundawasu uriwaa yawe. Suuri kuri kua upakawaa usaru, kua umukaturuwaa irupa tiarama yawentu ae, tiarama kuri aintaumaa utiĩsawa ae.

¹⁶Asui aintaumuatiri ainta yepe tendawa upe serawaa Armajedum ebreu nyenga rupi.

¹⁷Asui kua setisa anju uyusena ikupu pura iwitu upe, asui hasendu yepe nyenga kirimbawa templu sui trunu ruaxara sui yuiri, umbeu: —Hambauwana.

¹⁸Asui truvão wera, asui hasendu nyenga kirimbawa, asui tiapu truvão, asui uriri turusu kua iwi, tire aintaumaa uriri iwi kirimbawa yawe.

¹⁹Asui kua tetama turusuwaa uyusãi musapiri parti, asui uwari aintaretama kuaita miraita, asui Deus umanduari uxari uu arama ipiaiwasawa kirimbawa ikupu sui kua Babilunia turusuwaa.

²⁰Asui aintauyawawa panye kuaita kaapuamu, asui tiawa uwasemu kuaita iwiteraita.

²¹Asui itaita uwari, ipusewaita ainta panye aintayaweyawe kuaita itaita, asui kuaita apigawaita aintaupurungita puxi Deus rese sesewara kua puxuwerawa turusuwaa, nyãse turusuwaa kua puxuwerawa.