Read Ninia Yali KEJADIAN 36 Bible Online

KEJADIAN 36 - Ninia Yali bible

KEJADIAN 36

¹Hun Esau unuk eke Edom uruk ahun anyo en endag-enepfag on de su,

² At Esau ohwesi enebe henahan o Kanaan homi og-enepfag on ininuk de: Hwe Ada hun Elon o Het on ahaloho inim, hwe Oholibama Zibeon[86] o Hewi on anyo omba, Ana ahaloho anyo inim,

³ Hwe Basmat Ismael ahaloho Nebayot aut anyo inim og-enepfag.

⁴Ada en de Elifas endetfag, Basmat en de Rehuel endetfag.

⁵Ne, Oholibama en de Yeus inim, Yaelam inim, Korah inim it mundoho aire o Kanaan kwenang fam etma en endag-enepfag.

⁶O kwenang welatfag ma etma enowam enengge nauk on fahet higitdoho welatfag fug, ne Esau et Yakub et enengge di angge su angge mun hum-ham deg ma misigmu welam fug alereg en o amumu oko lebag.

⁷At Esau re Yakub embeselug o kwenang amu on fam ohwesi inim, omaliki inim, ap homi at inim welatfag on omano inim, at o Kanaan fam wereg li owam di angge su angge enggikmu atfag on etmano inim mundoho feleleng eneplug lebag.

⁸Airoho lebagdeg Esau unuk Edom uruk on anyo o Seir domma etma lebagdeg yugdoho welatfag.

⁹Hun Esau it ap homi Edom on enomba anyo en ambiangma endag-enepfag on de su.

¹⁰Hun Esau ohwe unuk Ada anyo en de omalik ap angge eke unuk Elifas endetfag. Ne, Elifas omaliki re enebe foaben angge endag-enepfag ma ininuk de: Teman mel, Omar mel, Zefo mel, Gaetam mel, Kenas mel endag-enepfag. Ne, at Elifas en de hwe misig ohweap debag on unuk de Timna welatfag ma at hwe ai en de omalik ap angge unuk Amalek endetfag. Ne, Esau ohwe unuk Basmat anyo en de omalik ap angge eke unuk Rehuel endetfag. At Rehuel de omaliki ap enebe ohwan welatfag, ininuk de, Nahat mel, Zerah mel, Syama mel, Miza mel endag-enepfag.

¹⁴Ne, Esau ohwe Oholibama Ana ahaloho hun Zibeon[87] omba anyo en de omalik ap angge enebe henahan endag-enepfag, ininuk de, Yeus mel, Yaelam mel, Korah mel endag-enepfag.

¹⁵Hun Esau ambiangma en it enowesi enunggul-unuk domog fahet unduhuk latfag on de su: Elifas Esau amloho wandeba on anyo re it inunggul unuk Teman on, Omar enap, Zefo enap, Kenas enap, Korah enap, Gaetam enap, Amalek enap etma enomba.

¹⁶It aire Esau ohwe hwe Ada anyo en ondoho on.

¹⁷It Nahat enap, Zerah enap, Syama enap, Miza enap ai enunggul unuk domog ai enomba re hun Esau amloho Rehuel anyo. It enebe mundoho aire Esau ohwe Basmat anyo en ondoho on.

¹⁸Esau ohwe unuk Oholibama hwe Ana ahaloho anyo inim en ondoho on de it Yeus enap, Yaelam enap, Korah enap enowesi enunggul unuk domog endag-enepfag on ai.

¹⁹Enowesi enunggul unuk enap aire at Esau ambiangma en endag-atfag on.

²⁰It o kwenang Edom etma enonggwareg on de Seir o Hori on enunggul unuk deg aleroho yohwandeg latfag. It enunggul unuk aire: Lotan enap, Syobal enap, Zibeon enap, Ana enap, Disyon enap, Ezer enap, Disyan enap etma.

²²Hun Lotan aire it enunggul unuk Hori inim Heman inim enomba. (Lotan erek hwele anggere misig welatfag on ai unuk de Timna.)

²³Hun Syobal aire it, Alwam enap, Manahat enap, Ebal enap, Syefo enap, Onam enap etma enomba.

²⁴Hun Zibeon de omaliki ap angge biren Aya inim Ana inim welatfag. (At Ana ai en keledai akni en on leimu hwalduk men, ik eleruk ahanhan on wilipukmu hweahabag.)

²⁵Hun Aya aire at Disyon akni, ne Disyon de it enunggul unuk, Hemdan enap, Esyban enap, Yitran enap, Keran enap enomba. Ne, at Ana ai en oho ahaloho misig unuk de Oholibama welatfag.

²⁷Hun Ezer de it enunggul unuk, Bilhan enap, Zawan enap, Akan enap enomba.

²⁸Hun Disyan aire it enunggul unuk Us enap inim Aran enap inim enomba.

²⁹It enunggul unuk Hori on o Edom kwenang fam etma welatfag on de inunuk su: Lotan enap mel, Syobal enap mel, Zibeon enap mel, Ana enap mel, Disyon enap mel, Ezer enap mel, welatfag.

³¹It Israel fam enowe kain raja eke inatlug melal-enepuk eleg kweleg, it kwenang Edom fam enowesi kain raja eke laharuk kweleg eke wamburuk kweleg duruk men welatfag on inunuk su: Bela hun Beor amloho o Dinhaba on inim. Yobab hun Zera amloho o Bozra on inim. Husyam o Teman on inim Hadad hun Bedad amloho o Awit on inim, (hun ai en o Moab kwe weim yapuk kwit Midian enap maben apdoho fesebag). Samla o Marseka ahun anyo inim. Saul o Rehobot ik aegma on anyo inim. Baal-Hanan hun Akhbor amloho anyo inim. Hadar o Pahu on anyo inim, (Ohwere hwe unuk Mehetabeel hun Matred ahaloho hun Mezahab ombalo anyo) inim unduhuk welatfag.

⁴⁰Hun Esau aire ap homi o Edom fam it enunggul unuk, Timna enap, Alwa enap, Yetet enap, Oholibama enap, Ela enap, Pinon enap, Kenas enap, Teman enap, Mibzar enap, Magdiel enap, Iram enap etma enomba welatfag. Enobam indip wereg ma ohore it ininuk soaleg aleroho soaleg latfag.