Read Ninia Yali KEJADIAN 5 Bible Online

KEJADIAN 5 - Ninia Yali bible

KEJADIAN 5

¹ Hun Adam ambiangma on endag-atil lebag ale re su. [Atam At Allah en hweap wal-enepuk kwit at orohole hag wal-enepfag.

² Wal-debeseruk kwit ap wal-deheg hwe wal-deheg debagdeg it enobam fanoap debeseruk kwit enunuk ap homi soal-enepfag.]

³At hun Adam umur 130 tahun deg li at omalik onggwareg orohole hag on neg endag-debagdeg unuk Set soalfag.

⁴Ai endag-debagdeg at Adam umur 800 tahun eke inim wereg lit omaliki foma amu on inim endag-enepfag.

⁵At ebe umur 930 tahun deg li waratfag.

⁶Set umur 105 tahun deg li at omalik unuk Enos endetfag.

⁷Ai endag-debagdeg at Set umur 807 tahun eke inim wereg lit omaliki foma amu on inim endag-enepfag.

⁸At ebe umur 912 tahun deg li waratfag.

⁹At Enos umur 90 tahun deg li omalik ap angge unuk Kenan endetfag.

¹⁰Ai endag-debagdeg at umur 815 tahun eke inim wereg lit omaliki foma amu on inim endag-enepfag.

¹¹At ebe umur 905 tahun deg li waratfag.

¹²At Kenan umur 70 tahun deg li omalik unuk Mahalaleel endetfag.

¹³Ai endetfagdeg at umur 840 tahun eke inim wereg lit omaliki foma amu on inim endag-enepfag.

¹⁴At ebe umur 910 tahun deg li waratfag.

¹⁵At Mahalaleel umur 65 tahun deg li omalik unuk Yared endetfag.

¹⁶Ai endetfagdeg at ebe umur 830 tahun eke inim wereg lit omaliki foma amu on inim endag-enepfag.

¹⁷At ebe umur 895 tahun deg li waratfag.

¹⁸At Yared umur 162 tahun deg li omalik unuk Henokh endetfag.

¹⁹Ai endag-debagdeg at ebe umur 800 tahun eke inim wereg lit omaliki foma amu on inim endag-enepfag.

²⁰At ebe umur 962 tahun deg li waratfag.

²¹At Henokh ebe umur 65 tahun deg li omalik unuk Metusalah endetfag.

²²Ai endag-debagdeg at Henokh Allah inim hundig lit horogma wereg man neg 300 tahun hwili welatfag. Ne, aren omaliki foma amu on inim endag-enepfag.

²³Ne, at ebe umur 365 tahun hwili aik lebag.

²⁴ At Henokh hundig-hundig Allah inim horogma wereg ale en Allah en webag ma ebe eleg latfag.

²⁵At Metusalah ebe umur 187 tahun deg li omalik unuk Lamekh endetfag.

²⁶Ai endag-debagdeg at umur 782 tahun eke inim wereg lit, omaliki foma amu on inim endag-enepfag.

²⁷At ebe umur 969 tahun deg li waratfag.

²⁸At Lamekh umur 182 tahun deg li omalik ap angge endag-debagdeg, “Omalik su en nit kwenang Allah en wip-debesi on fam oma yabuk duruk mu seap nenobaharuk karuhu,” ulug de omalik anyo unuk Nuh[19] soalfag.

³⁰Ai endag-debagdeg at ebe umur 595 tahun eke inim wereg lit omaliki foma amu on inim endag-enepfagdeg ebe umur 777 tahun deg li waratfag.

³²Nuh ebe umur 500 tahun debagdeg omaliki ap angge enebe henahan endag-enepfag. Ne, ininuk de, Sem, Yafet, Ham inim endag-enepfag.