Read Ninia Yali 2 SAMUEL 4 Bible Online

2 SAMUEL 4 - Ninia Yali bible

2 SAMUEL 4

¹ At Saul ambiangma en ondoho on en amu on eke re hun Yonatan amloho Mefiboset anyo. At ebere umur tahun foaben deg kweleg, hun Saul mel, Yonatan mel waratfag huli etano en eyog holu on atfag. Indip de it Saul mel, Yonatan mel, waratfag ale anyo fahet wareg abug walug o kota Yizreel en watfag ma, hwele at Mefiboset ai foroho lit hwalduk katfag on anyo en enggikmu mako bugdoho walug bubuangge lauk men de, hwele aire mun siag biag hwaleg eleg angge buroho lamin ulug duruk men omalik mako wambebag ma eyog holu debag ai. Ne, at hun Saul amloho Isyboset en hol-hauk men de Abner anyo o Hebron en warehesa urukmu holfagedeg, at mundoho omamne elegdoho obam liog atfag ma, it enunggul unuk Israel on mundoho youk debagdeg enakol en duruk katfag. At hun Isyboset aire autsi it bin kuruk on enowesi leho on perwira biren angge, eke unuk de Baana, ne eke unuk de Rekhab welatfag. Ne, it enebe re hun Rimon omaliki o Beerot on it enunggul unuk Benyamin on. (O Beerot aire it Benyamin en on f(...)

⁵It ap sehen foroho on enowesi biren perwira, hun Rekhab mel, Baana mel, etanore lebagdeg de at Isyboset nukoho andundu angge obam olma kel wat-dauk kwit wereg ma obam olma lebag.

⁶It airoho lebagdeg duruk men de at hwele eke olma etma hwalduk katfag on de gandum buhun-duruk men de noho il debag ma, nohorukmu lebagdeg de, at Baana mel, Rekhab mel, etano ling long[5] kwik lebag.

⁷It enebe kwik lebagdeg de bekit at Isyboset ebe nohorukmu etmano at ebe noho homogdoho nohoruk kweleg kwik lebagdeg de, iren hun anyo daloho ware febag ma waratfag. Iren hun anyo unggul kong baloho webagdeg walug de hup andundu anggere it enebe o Yordan donggo kwe etma lebag.

⁸Lebagdeg de iren hun Isyboset unggul kongdeg anyo Daud akit o Hebron og irik lebagdeg enele uruk kwit de, diroho ebag, “Sure hun Saul amloho nenakni hun hat haselei on Isyboset, nenakni hun hat howarikoho lit hundig handig duruk on anyo. Yoho su salim de At TUHAN en nenakni hun hat hobahet, at Saul en inim, at eyog indip kwe on en mel, duruk katswa ale anyo fahet onggo feheik su,” ulug hweag-etfag.

⁹Airoho hweag-etfag famen de at Daud en onggo uruk kwit de, “TUHAN oluk mundoho wereg on en de an di angge su angge ambiangma atlug nowaruk ale neg durukmu nahap wan-dat-napuk katsi on anyo en de an den dimin ale su fahet de demdoho on deheik ulug oluk deg latmisi.

¹⁰ An o Ziklag wereg kweleg ap eke hun Saul waratsi mu wene walug waharukmu re, an den boruk kwit de, fano wene walug waharuk ulug berihik. Famen de deg kweleg an den ap anyo seneko binggi watihik. Airoho aren wene walug wahasi on ai fahet onggo ohom hag ale ai deberihik.

¹¹Ne, ap mun enolok on en ap siag disi fugmen obam olma amu nohoruk kweleg watswa etma re an den unggum enobam alongdoho fesehuk! Ketiare hiren ap watuhup on ai fahet unggulmu heng-henepuk kahi, airoho duruk kwit de hit henebe kwengma suma en elehapdoho henobahamin en duruk kahi!” ulug hweag-esebag.

¹²Airoho ebagdeg de at Daud en autsi fam uruk kwit de, “Hiren hun Rekhab mel, Baana mel, eta binggi enowariek,” ulug hweag-esebag. Airoho hweag-esebag ma iren enowatfag ma re it ap etano enenggik eneyog mel kongdohore ik sene horogma etma borebebag. Famen de at Isyboset unggul kong baleg anyo neg de walug de o kota etman at Abner en anggwenang ap homi sal enepukmu fahet ulug on fam salfag.