Read Ninia Yali 1 RAJA-RAJA 4 Bible Online

1 RAJA-RAJA 4 - Ninia Yali bible

1 RAJA-RAJA 4

¹Salomo re ap homi Israel on enobahet raja inatfag.

²Airoho inatfagdeg aren autsi yabuk leho on fam duruk kamag ulug unduhuk fesebag on enebe re su: Imam de: Zadok ha, Azarya hun Zadok amloho anyo ha, Abyatar ha. Negara fahet lisu balduk on de: Hun Sisia omaliki, Elihoref ha, Ahia ha. Negara ai fam di angge su angge akniroho seneg on de: Yosafat hun Ahilud amloho anyo. Sehen seneg on enowe Panglima re: Hun Yoyada amloho Benaya anyo. It bupati fahet hwale feseruk on de: Hun Natan amloho Azarya anyo. Ne, raja komo-duruk on de hun Natan amloho Imam Zabud ai welatfag. Hun Raja Obam ilonggoma fahet enowe leho on de: Ahisar. Ap yabuk enomamneroho dukwag ulug kahaleg wereg on fahet de: Hun Abda amloho Adoniram ai welatfag.

⁷At Salomo en de o it ap homi Israel on wereg ma kwenang etma fam on fahet ap bupati enebe nesanggo en unduhuk fesebag. Unduhuk fesebag ma re, it eneyabuk de: O kwenang it wereg kwe etmano domog en nauk angge at raja fahet inim ne at obam ilonggoma yabuk duruk on fahet nim kabog-duruk katfag. Kabog duruk kwit de bupati omano enebe domog en de tahun hundig-hundig de bigalem misig hunduko eke en walug waharuk men ne eke fam eke en walug waharuk men duruk katfag.

⁸Ne, it bupati eta fahet de enowe gubernur misig eke en melal-enepuk katfag. It bupati eta inunuk mel wilayah iren melal-enepuk katfag ma mel de su: It Efraim on enandom kwe etma fahet de: Hun Ben-Hur welatfag. Kota Makas, Saalbim, Bet-Semes, Elon, Bet-Hanan, fahet de: Ben-Deker welatfag. Kota Arubot, Sokho, o Hefer fam abirangge fahet de: Ben-Hesed welatfag. O Dor fam abirangge etma fahet de: Ben-Ahinadab hun Salomo ahaloho hwele Tafat ahun anyo welatfag. Kota Taanakh mel, Megido, mel, o Bet-Sean horog kwe etma abirangge mel, o kota Sartan horogman o kota Yizreel en il apma selatan fil etman dil-dil kota Abel-mehola mel, kota Yokmeam mel, etma fahet de: Hun Ahilud amloho Baana anyo welatfag. Kota Ramot o Gilead fam etmano mel, o sili dot-doron it enunggul unuk agdoho Yair on hun Manasye ambiangma on etmano enobam etma mel, ai en o Argob Basan fam etmano mel; ne abirangge re (...)

²⁰Ap homi Israel on mel Yehuda on mel enebe re ik laut aegma ik inggi deg etma hag deg latfag. Airoho deg lit de it enebe re enasiburu mel enahaik mel de higitdoho neg wereg ma enebe enahayegdoho neg welatfag.

²¹ Ap homi etmano enahain elekwe domog en de eneyabuk anggur yabuk mel ara yabuk mel welatfag. At Salomo oluk wereg li em de, raja Ik Efrat foma fil wereg on etmano mundoho re at Salomo apma sebe ulug wereg lit ne ap homi enunggul unuk kerajaan aren melal-enepukmu etman aluluk kwe wereg on etmano re at Salomo nim hundigmu re, ap homi Yehuda on mel Israel on mel de o Dan fam en de o Bersyeba huli etma enakol eleg angge enenda seroho neg welatfag. Kwenang Ik Efrat foma fil en mo obuk uruk fil o Tifsah Ik Efrat aegma etman de dil-dil mo obuk ik lauk fil kota Gaza o Filistin fam etman de o Mesir huli etma, abirangge re at Salomo en sebeloho wereg latfag. Airoho wereg ma re ap homi enunggul unuk o etma wereg on de Salomo apma sebe ulug de kwenang onggo feik waharuk katfag. At Salomo en nukoho hundig-hundig fahet nauk on fahet kabog-duruk katfag on de: tepung al on de 5.000 liter en nim, tepung alet on de 10.000 liter en nim, sapi(...)

²⁶ Salomo autsi sehen seneg enap wam kuda fam lahalug lauk on[4] de enebe 12.000 en welatfag ne owam kuda no kereta lisulug lauk on de 40.000 en welatfag.

²⁷Airoho wereg ma re bigalem hundig-hundig omano fam de it ap bupati omano en enebe eke dam eke fobik deg at raja mel it ap hun raja obam bumbukmu en nauk on og-esauk katfag on etmano mel fahet nauk angge walug waharukmu re iren di angge su angge weregdoho neg welatfag.

²⁸It bupati omano enebe domog en ohore gandum mel enggelangge jerami mel hun Salomo owam kuda emberimmu lahalug lauk on mel ne kereta wiri folug lisil lauk on mel omano fahet walug og-irik waharuk katfag. Iren de wam en nauk angge etma o wam obam etmano it nauk ale ilitdoho walug feik waharuk katfag.

²⁹Allah en Salomo fam enda wenggeleg on mel, oluk homun mel, endaman fik-furebelug duruk ale fahet on mel og-etfag.

³⁰O kwenang mo lahaik waharuk fil etma fam oho ne o Mesir en ohore ap misig oho Salomo enggat deg latfag ai hag on eke welatfag fug.

³¹ At de hun Etan ap Ezrahi on ai mel, Heman mel, Kalkol mel, Darda mel hun Mahol omaliki eta mel en enggat deg latfag ale re sebeleg kweleg de Salomo neg de oluk mun anggolo ahun welatfag. Airoho deg ma re Salomo unuk de o kwenang amu on fam maseroho wereg kwe omano en oho enoluk deg latfag.

³² Aren de wene enele unggutdoho uruk on etmano re 3.000 en felalfag ne suni re 1.000 en dahandoho emberim fil en hagdoho felalfag.

³³Aren airoho felalduk kwit etma re e wilibig on mel ne di angge su angge yaho on mel e lak o Libanon fam wereg on etmano fene en de enggela hisop helep unggul kwe wilipuk on etmano fahet mel felalduk ale neg deg latfag. Ne, aren de di on su on, enggik eyog wereg on mel, kwenang kwe loboruruk on mel, ikan mel fahet oho uruk katfag.

³⁴It raja o kwenang fam welatfag on etman Salomo enggat deg ale anyo fahet enesanggo holug de aren uruk ale enesanggo holik lowag ulug ap mon-enebik lauk katfag.