Read Ninia Yali 1 TAWARIKH 1 Bible Online

1 TAWARIKH 1 - Ninia Yali bible

1 TAWARIKH 1

¹It ap homi enunggul unuk Israel on enombasi hun Adam fam en Nuh huli endag-ail watfag ale bilinggoho re su: Adam Set Enos Kenan Mahalaleel Yared Henokh Metusalah Lamekh Nuh Endag-atfag. Hun Nuh omaliki ap anggere enebe henahan welatfag; Enebere Sem, Yafet, Ham.

⁵At Yafet omaliki ap anggere: Gomer ha, Magog ha, Madai ha, Yawan ha, Tubal ha, Mesekh ha, Tiras ha. It aire ap homi enunggul unuk enap enunuk higitdoho uruk katfag enap etma enombasi.

⁶At Gomer ambiangma on de, Askenas enap, Rifat enap, Togarma enap etma.

⁷At Yawan ambiangma on de, Elisa enap, Spanyol enap, Siprus enap, mel, Rodes enap mel, etma.

⁸At Ham Omaliki re, Kus ha, Mesir ha, Libia ha, Kanaan ha, eta. It enebe abirangge re ap homi enunggul unuk it enunuk eta fene uruk on etma enombasi.

⁹At Kus ambiangma on de, o Seba enap mel, Hawila enap mel, Sabta enap mel, Raema enap mel, Sabtekha enap mel, etma. Ne, at Raema ambiangma on de o Syeba enap mel, Dedan enap mel, etma. (

¹⁰At Hun Kus ai en amloho misig eke unuk de Nimrod o kwenangma suma unuk bogdeg mun anggiluk hum ahun inatfag on anyo.)

¹¹At Mesir ambiangma on de, o Lidia enap mel, Anamim enap, Lehabim enap, Naftuhim enap,

¹²Patrusim enap, Kasluhim enap, Kreta enap, etma. It aire ap homi Filistin on enombasi endag-atfag.

¹³At Hun Kanaan omaliki re, Sidon wandeba on ha, Het ha. It etare ap homi enunggul unuk it enunuk fene soaleg latfag on etma enombasi endag-atfag.

¹⁴At Kanaan aire it Yebusi enap, Amori enap, Girgasi enap,

¹⁵Hewi enap, Arki enap, Sini enap,

¹⁶Arwadi enap, Semari enap, Hamati enap, etma endag-enepfag.

¹⁷At Sem omaliki re, Elam, Asyur, Arpakhsad, Lud, Aram, Us, Hul, Geter, inim Mesekh, inim endag-enepfag. It aire ap homi enunggul unuk it enunuk fene soaleg latfag on etma enombasi endag-atfag.

¹⁸Hun Arpakhsad aire hun Selah akni, ne Selah re hun Eber akni.

¹⁹At Eber de omaliki biren angge endag-enepfag, ne wandeba on de at wereg li eta ap homi kwenangma on suma yohwandoho minggit-manggat ebag ma, unuk Peleg[1] soalfag. Ne, ombolim on de Yoktan soalfag.

²⁰At Yoktan ai ambiangma on de, Almodad enap, Selef enap, Hazar-Mawet enap, Yerah enap,

²¹Hadoram enap, Uzal enap, Dikla enap,

²²Ebal enap, Abimael enap, Syeba enap,

²³Ofir enap, Hawila enap, Yobab enap mel, etma enombasi endag-enepfag.

²⁴It ap homi enunggul unuk Israel on enombasi endag-ail watfag ale at Sem huli en Abraham huli anyo su: Sem Arpakhsad Selah Eber Peleg Rehu Serug Nahor Terah Abram (Enoluk deg latfag on de Abraham ai)

²⁸At Abraham omaliki re enebe biren endag-atfag, enunuk de Ishak ha, Ismael ha.

²⁹At Ismael omaliki re su: Wandeba on de Nebayot, ombolim de Kedar, Adbeel, Mibsam,

³⁰Misma, Duma, Masa, Hadad, Tema,

³¹Yetur, Nafis, inim Kedma inim etma.

³²Hun Abraham de ohwe amingming angge fam en ohweap debag on eke unuk de Ketura ai welatfag. At ohweap debag on ai en de omaliki endag-enepfag on de, Zimran ha, Yoksan ha, Medan ha, Midian ha, Isybak ha, Suah ha, eta. At Yosan ai omaliki re, Syeba ha, Dedan ha, eta welatfag.

³³At Midian omaliki re, enunuk: Efa ha, Efer ha, Hanokh ha, Abida ha, Eldaa ha eta welatfag.

³⁴Ishak hun Abraham amloho anyo re omaliki enebe biren angge enunuk de, Esau ha, Yakub (unuk eke Israel ulug enoluk deg latfag) on anyo ha.

³⁵At Esau omaliki re, Elifas, Rehuel, Yeus, Yaelam ha, Korah ha.

³⁶Hun Elifas aire it ap homi enunggul unuk Teman enap, Omar enap, Zefi enap, Gaetam enap, Kenas enap, Timna enap, Amalek enap mel etma enomba.

³⁷Rehuel de it enunggul unuk Nahat enap, Zerah enap, Syama enap, Miza enap mel etma enomba.

³⁸It ap homi o Edom etma indip enap welatfag on etma re at hun Seir omaliki etmano enambiangma endag-enepfag, hun Lotan mel, Syobal me, Ana mel, Disyon mel, Ezer mel, Disyan mel etma enambiangma en endag-enepfag on welatfag. Hun Lotan omaliki re, Hori ha, Homam ha. Lotan erek hwelani angge misig welatfag on ai unuk de Timna. Hun Syobal omaliki re, Alyan ha, Manahat ha, Ebal ha, Syefi ha, Onam ha. Hun Zibeon omaliki re, Aya nim Ana nim. Ne, At Ana omalik de, Disyon. Ne, Disyon omaliki re Hamran ha, Esyban ha, Yitran ha, Keran ha. Hun Ezer omaliki re, Bilhan ha, Zaawan ha, Yaakan ha. Hun Disyan omaliki re Us ha, Aran ha.

⁴³It ap homi Israel on wereg ma ap raja eke unduhuk wereg lit melal-enebuk fug mu etma re it o Edom kwenang fam de it enowesi raja enunuk su en eke lahakeg, eke wambeheg duruk katfag on anyo su: Hun Bela Beor amloho obam Dinhaba on anyo ha Hun Yobab Zerah amloho obam Bozra on anyo ha Hun Husyam it ap homi Teman on enobam etmano ahun ai ha Hun Hadad hun Bedad amloho obam Awit ahun (At ai en de it ap homi Midian on o Moab kwe dog yapuk kwit enalong elehapdoho fesebag ahun anyo) Hun Samla obam Masyreka ahun anyo ha Hun Saul obam ik aegma o Rehobot ahun anyo ha Hun Baal-Hanan hun Akhbor amloho anyo ha Hun Hadad obam Pahi on (Ohwe unuk de Mahitabeel hun Mezahab ombalo, hun Matred ahaloho anyo) ha welatfag.

⁵¹It ap homi enunggul unuk Edom on aire unuk Timna enap, Alya enap, Yetet enap,

⁵²Oholibama enap, Ela enap, Pinon enap,

⁵³Kenas enap, Teman enap, Mibzar enap,

⁵⁴Magdiel enap, Iram enap etma enemu hundomog enowesi enunggul unuk deg ale etanoroho en welatfag.