Read Ninia Yali 1 TAWARIKH 2 Bible Online

1 TAWARIKH 2 - Ninia Yali bible

1 TAWARIKH 2

¹At Hun Yakub omaliki re enebe nesanggo en welatfag on enunuk de su: Ruben, Simeon, Lewi, Yehuda, Isakhar, Zebulon,

²Dan, Yusuf, Menyamin, Naftali, Gad, Asyer.

³At Yehuda omaliki re enebe foaben welatfag. Ohwe unuk Batsyua o Kanaan hwe ai en de, Er ha, Onan ha, Sela ha, endag-enepfag. Ne, ohwe eke unuk Tamar at onggwareg eyamalhwe anyo en de, Peres ha, Zerah ha, endag-enepfag. At amloho wandeba on Er aire mun olok deg en de TUHAN en binggi watfag.

⁴

⁵Peres omaliki re biren welatfag, Hezron ha, Hamul ha.

⁶At Zerah en de omaliki foaben endag-enepfag, enebe re, Zimri ha, Etan ha, Heman ha, Kalkol ha, Dara ha.

⁷ Hun Karmi amloho nimi Akhan[2] hun Zerah ambiangma on en endag-atfag on ai en de, it weim yabik lebagdeg di angge su angge delfag on omano Allah fahet on ulug eneko febag on omano webag ma it ap homi Israel on fam enebe alema re fesebag.

⁸At Etan amloho re Azarya.

⁹At Hezron de omaliki enebe henahan welatfag, Yerahmeel ha, Ram ha, Kaleb ha.

¹⁰At Ram huli en hun Isai huli endag-ail watfag on de su: Ram Aminadab Nahason (It Yehuda on enowe ap lohon ai)

¹¹Salmon Boas

¹²Obed Isai

¹³At Hun Isai omaliki re enebe sabiren welatfag. It enebe endag-ail watfag aleroho umur deg ale fam de su: Eliab, Abinadab, Simea,

¹⁴Netaneel, Radai,

¹⁵Ozem, Daud.

¹⁶At Isai ohore ahwelani enebe biren angge welatfag, hwele Zeruya ha, Abigail ha. At Zeruya re omaliki henahan angge welatfag: Abisai ha, Yoab ha, Asael ha.

¹⁷At Abigail de at Ismael ambiangma en hun Yeter ai hwelebagdeg de, ite enomalik we misig neg welatfag on unuk Amasa ai.

¹⁸Hun Kaleb Hezron amloho anyo re hwe Azuba hwelebagdeg de omalik hwelani angge eke unuk Yeriot[3] endetfag. At Yeriot ai en omaliki henahan welatfag: Yeser ha, Sobab ha, Ardon ha.

¹⁹At hwe Azuba anyo waratfag ma re at Kaleb ohwe Efrat inim hwelebagdeg omalik misig endetfag on unuk de Hur.

²⁰At Hur amloho unuk de Uri ne omba re unuk Bezaleel.

²¹At Hezron anyo ebe umur 60 tahun deg li re at nimi Gilead erek hun Makhir ahaloho anyo hwelebag. Hwelabagdeg de it enomalik ap angge misig unuk Segub endetfag.

²²Ne at Segub ai en de amloho ap angge misig endetfag on unuk de, Yair, at aire o it wilayah Gilead fil omano o bumbuk henahan onggwareg ahun welatfag.

²³Famen de it en raja Gesur on mel, Aram on mel, en de o bumbuk it wilayah etm fil wereg on omano seberoho 60 en deloho sebel-debag. Aire it Yair enap enobam bumbuk omano inim, it Kenat enap enobam omano inim, o bumbuk doron aluluk kwe wereg on omano inim, mundoho sebel debag. Ap homi mundoho etma welatfag on etma re at hun Gilead amloho Makhir anyo ambiangma ondoho on welatfag.

²⁴At Hezron anyo mundoho waratfag ma re, at Kaleb anyo en de akni sohwe hwe Efrat anyo hwelebag. It enomalik endag-atfag on de unuk Asyur; At ai en o kota Tekoa witfag.

²⁵Hun Hezron amloho wandeba on Yerahmeel anyo en de omaliki enebe foaben welatfag, ne at wandeba on de Ram, ombolim Buna, Oren, Ozem, Ahia nim eta.

²⁶At Ram de omaliki enebe henahan endag-enepfag on de, Maas ha, Yamin ha, Eker ha. At Yerahmeel de ohwe eke amu on unuk de Atara. At hwe ai inim enomalik endag-debag on de unuk Onam.

²⁷

²⁸At Onam ai omaliki enebe biren angge, Samai inim Yada inim welatfag. At Samai en oho re omaliki enebe biren angge, Nadab ha, Abisur ha.

²⁹At Abisur de ohwe Abihail anyo hwelebagdeg de enomalik biren endag-enepfag on de, Ahban ha, Molid ha.

³⁰Nadab Abisur owe anyo re omaliki enebe biren angge, eke unuk de Seled, ne eke re Apaim, famen de at Seled de amloho ke enderuk eleg angge waratfag.

³¹Apaim aire Yesei akni, ne Yesei aire Sesan akni, ne Sesan de Ahlai akni.

³²Yada at Samai are anyo re omaliki enebe biren angge endag-enepfag on de, Yeter ha, Yonatan ha. Famen de at Yeter de amloho eke enderuk eleg angge waratfag.

³³Yonatan de omaliki enebe biren angge, Pelet ha, Zara ha endag-enepfag. It mundoho aire hun Yerahmeel anyo ambiangma on endag-atfag.

³⁴At Sesan de omaliki ap angge eke welatfag fug, we hwelani angge neg welatfag. At amingming angge o Mesir on eke unuk de Yarha anyo fam de,

³⁵at ahwelani omano eke lombo debebag. Lombodebesebag ma re it enomalik ap angge endag-debag on de, unuk Atai ai.

³⁶At hun Atai ai fam en endag-atil hun Elisama huli endag-aik watfag on de su: Atai Natan Zabad Eflat Obed Yehu Azarya Heles Elasa Sismai Salum Yekamya Elisama.

⁴⁰

⁴²Hun Kaleb Yerahmeel are anyo re amloho misig eke welatfag on unuk de, Mesa. At aire at Mesa en amloho wandeba on endag-atfag. At Mesa aire Zif akni, ne Zif de Maresa akni, Maresa re Hebron akni.

⁴³At Hebron de omaliki enebe ohwan welatfag on de, Korah, Tapuah, Rekem, Sema eta.

⁴⁴Hun Sema aire Raham akni. Ne, Rema omba re unuk Yorkeam. At Rekem Sema owe aire hun Samai akni.

⁴⁵Ne, Samai re Maon akni, ne Maon de, Bet-Zur akni.

⁴⁶At Kaleb anyo re ohwe amingming angge famen ohweap debag on anyo unuk de Efa ai. Iren de enomalik ap angge henahan endag-enepfag on enunuk de, Haran, Moza, Gazes ha. At Haran oho re amloho unuk Gazes welatfag. (

⁴⁷Ap misig eke unuk Yohdai ai omaliki re enebe folfalik en welatfag on enunuk de, Regem ha, Yotam ha, Gesan ha, Pelet ha, Efa ha, Saaf ha eta.)

⁴⁸Hun Kalep aire amingming angge fam en ohweap debag on eke unuk de Maakha. At hwe ai inim en de enomalik enebe biren angge enunuk de, Seber ha, Tirhana ha.

⁴⁹Ai en it anyo enomalik biren angge eke endag-debag on enunuk de, Saaf nim Sewa nim. Hun Saaf aire o kota Madmana witfag ahun. Ne, at Sewa re o kota Makhbena inim Gibea inim witfag ahun. At Kaleb aire ahaloho misig eke welatfag on unuk de, Akhsa ai.

⁵⁰Apma su ohore at Kaleb ambiangma on neg: Kaleb amloho wandeba on de Hur, ne ohwere unuk Efrat. Hun Hur amloho re Syobal o kota Kiryat-Yearim witfag ahun anyo.

⁵¹Amloho bireneg on de Salma, o kota Betlehem witfag ahun anyo; Ne, amloho henahaneg on de Haref o kota Bet-Gader witfag ahun anyo.

⁵²Hun Syobal o kota Kiryat-Yearim witfag ahun aire it ap homi o Haroe mel, ne o Menuhot enap minggiroho mel,

⁵³it ap homi o Kiryat-Yearim welatfag on etma enunuk Yetri enap, Puti enap, Sumati enap, Misrai enap, enomba welatfag. (It ap homi o kota Zora mel, Esytaol mel, etma re it enunuk etma enap.)

⁵⁴At hun Salma o kota Betlehem witfag ahun aire it ap homi Netofa enap, Atarot-Bet-Yoab enap, Zori enap, aire it enunuk o Minahti welatfag on ai en misig eke on, etma enomba welatfag.

⁵⁵It enunuk Tirati on mel, Simati on mel, Sukati on mel, o kota Yabes anyo fam welatfag enap etma re, lisu balduk ale fahet inim, surat leho on balduk ale fahet inim mun inggit-enggat enap welatfag. It aire ap Keni enap en it Rekhab enap mel og-enepfagdeg welatfag on omano.