Read Ninia Yali 1 TAWARIKH 6 Bible Online

1 TAWARIKH 6 - Ninia Yali bible

1 TAWARIKH 6

¹Hun Lewi re omaliki ap enebe henahan welatfag on de, Gerson ha, Kehat ha, Merari ha.

²At Kehat de omaliki ap enebe ohwan welatfag on de, nimi Amram, Yizhar, Hebron, Uziel ha, eta.

³At Amram de omaliki ap enebe biren welatfag anggere, nimi Harun ha, Musa ha, ne hwele anggere misig neg anggere unuk Miryam ai. At Harun de omaliki ap enebe ohwan endag-enepfag on enunuk de, Nadab, Abihu, Eleazar, Itamar inim eta.

⁴At Eleazar fam endag-ail watfag on wenaho alere firoho su: Pinehas, Abisua,

¹⁰At Azarya re (At Salomo en TUHAN obam o Yerusalem witfag ma anyo TUHAN obahet duruk katfag on) ai ha,

¹¹Amarya, Ahitub,

¹²Zadok, Salum,

¹³Hilkia, Azarya,

¹⁴Seraya, Yozadak mel, ai.

¹⁵At Yozadak aire At TUHAN en hun Nebukadnezar fene en it ap homi Yehuda on mel, Yerusalem on mel, o kwenang amu on fam hwik-enebik lowag ulug og-eneplug laukmu anyo inim lebag ahun.

¹⁶ At Lewi re omaliki ap enebe henahan angge welatfag on de nimi, Gerson ha, Kehat ha, Merari ha eta.

¹⁷It enebe domog de enomaliki endag-enusug latfag. At Gerson omaliki re, Libni mel, Simei mel, eta.

¹⁸At Kehat omaliki re, Amram, Yizhar, Hebron, Uziel mel, eta.

¹⁹Merari omaliki re, Mahli mel, Musi mel eta.

²⁰At Gerson fam endag-ail watfag on de diroho: Libni, Yahat, Zima,

²¹Yoah, Ido, Zerah, Yeatrai mel eta.

²²At Kehat fam en endag-ail watfag on de diroho: Aminadab, Korah, Asir,

²³Elkana, Ebyasaf, Asir,

²⁴Tahad, Uriel, Uzia, Saul mel, eta.

²⁵At Elkana re omaliki ap enebe biren welatfag on de, Amasai ha, Ahimot ha.

²⁶At Ahimot fam en endag-ail watfag on de: Elkana, Zofai, Nahat,

²⁷Eliab, Yeroham, Elkana mel, ai.

²⁸At Samuel de omaliki ap enebe biren angge welatfag on de: Yoel de wandeba on ne, Abia re elabo on eta.

²⁹At Merari fam en endag-ail watfag on de: Mahli, Libni, Simei, Uza,

³⁰Simea, Hagia, Asaya mel ai.

³¹Allah en Sali wene waroho og-esebag ma Peti fam wiroho welatfag angge anyo oko o TUHAN apne wakoho kabog-durukmu Yerusalem anyo feik lebag li en de, at Raja Daud en de ap TUHAN Obam wirigmu etmano suni fahet hwalduk kwit wereg enap momal-enepfag.

³²At unuk bogdeg Salomo anyo en o TUHAN Obam ai owan wiruk eleg li re it anyo TUHAN Obam Sabo salegma etma eke kuruk eke wilipuk duruk kwit welatfag.

³³Ap yabuk ai duruk kamag ulug fesebag ma duruk kwit neg welatfag on de diroho su: It Kehat enap en de: Heman hun Yoel amloho anyo. Ne, aren de it suni uruk enap esan keram on ai melal-enepuk katfag. At endag-atfag huli en ombolim endag-ail lebag ale fahet apma fil en lahabeg de diroho: Heman, Yoel, Samuel,

³⁴Elkana, Yeroham, Eliel, Toah,

³⁵Zuf, Elkana, Mahat, Amasai,

³⁶Elkana, Yoel, Azarya, Zefanya,

³⁷Tahat, Asir, Ebyasaf, Korah

³⁸Yizhar, Kehat, Lewi, Yakub huli en ai.

³⁹At hun Asaf aire ap suni uruk enap esan bireneg on anyo enowe melal-enepuk katfag ahun. At Enda-atfag li en endag-ail lebag on apma fil en emberim fil de diroho: Asaf, Berekhya, Simea,

⁴⁰Mikhael, Baaseya, Malkia,

⁴¹Etai, Zerah, Adaya,

⁴²Etan, Zima, Simei,

⁴³Yahat, Gerson, Lewi.

⁴⁴Hun Etan aire ap suni uruk enap esan henahaneg on anyo enowe melal-enepuk katfag ahun. Ne, hun ebere hun Merari anyo ambiangma on. At endag-atfag li en endag-ail lebag on apma fil en emberim fil endag-ail hun Lewi huli endag-atfag on de diroho: Etan, Kisi, Abdi, Malukh,

⁴⁵Hasabya, Amazia, Hilkia,

⁴⁶Amzi, Bani, Semer,

⁴⁷Mahli, Musi, Merari, Lewi.

⁴⁸O Wene kabog-durukmu ilonggoma yabuk amu on fomane omanore it enori fomane Lewi enap omano duruk kamag ulug og-esebag.

⁴⁹Allah amingming angge Musa anyo en wene diroho diyug suroho diyug ulug melaloho hweag-etfag higitdoho, at Harun inim, aren ondohoma on inim de amben fano angge dupa yaleheg, wam waroho yaldukmu mezbah omano fam waroho yaleheg, o Allah obam wirigmu en ambe ilonggoma ousa niginama etmano en di on su on deheg, it ap homi Israel on enesiag horoho ulug wam waroho yaleheg, mundoho airoho duruk katfag.

⁵⁰At Harun ambiangma en endag-atil lebag on de su: Eleazar, Pinehas, Abisua,

⁵¹Buki, Uzi, Zerahya,

⁵²Merayot, Amarya, Ahitub,

⁵³Zadok, Ahimaas.

⁵⁴At hun Harun ambiangma on Kehat enap anyo og-esebag ma welatfag kwe re su. Ite ap Lewi enap fahet kwenang keram on momaloho foruk katfag on anyo hwelebag.

⁵⁵It enanggwenang de o wilayah Yehuda fam en o kota Hebron mel, enggela lei maseroho etma mel, hwelebag.

⁵⁶Famen de yabuk mel, o kota alulukwe o sili doron mel, etma re hun Yefune amloho Kaleb anyo og-etfag.

⁵⁷At Harun ambiangma on de o Hebron aire iren ap fetagdoho binggi ware folug laukmu ulug along balegma[7] folug hweleheg, o Yatir mel, o sili fomane su mel, enggela lei mel, hwelebag on de: o Libna sili, Estemoa, Helen, Debir, Asan, Bet-Semes mel, ai hwelebag.

⁵⁸

⁵⁹

⁶⁰Ne, o wilayah it enunggul unuk Benyamin on fam en o sili mel, enggela lei wilibig on mel, it hwelebag on de apma su: o Geba mel, Anatot mel, o sili ebe abirangge seberoho re 13 en it enahain elekwe on wereg ma ulug welatfag.

⁶¹Ne, it enunggul unuk Manasye on wereg ma Ik Yordan foma fil en mo obuk uruk fil etma o sili num en welatfag on anyo re enenggik wal-halug de at Kehat ahain elekwe on kwenang hwelebag fug on etmano og-esebag.

⁶²At Gerson ahain elekwe on de o sili 13 en o wilayah it enunggul unuk Isakhar on mel, Asyer on mel, Naftali on mel, ne it enunggul unuk Manasye on o Basyan Ik Yordan foma fil mo lahaik waharuk fil on etmano mel, en on hwelebag.

⁶³Nikangge enenggik wal-halug de at Merari ahain elekwe on ohore o wilayah it enunggul unuk Ruben mel, Gad mel, Zebulon mel, en on omano o sili 12 en hwelebag.

⁶⁴It ap homi enunggul unuk Israel on en it ap Lewi enap fam o sili mel, enggela lei mel, yohwandoho og-esakoho re airoho duruk katfag.

⁶⁵O wilayah it enunggul unuk Yehuda mel, Simeon mel, Benyamin mel, fene en o sili yohwandoho og-esebag on eta oho re enenggik wal-halug neg yohwan-esebag.

⁶⁶Wilayah it enunggul unuk Efraim on wereg latfag ma etman o sili mel, enggela lei mel, o maseroho wereg on etma it enunggul unuk Kehat enap hwelebag on de:

⁶⁷O Sikhem o kota along balegma febag on o wilayah etma fam en domma anyo mel, Gezer mel,

⁶⁸Yokmeam mel, Bet-Horon mel,

⁶⁹Ayalon mel, Gat-Rimon mel, eta.

⁷⁰Ne, o wilayah it enunggul Manasye on Ik Yordan baloho foma fil mo obuk uruk fil anyo en de ite o Aner sili mel, Bileam sili enggela lei maseroho wereg on mel, hwelebag.

⁷¹Ne, at Gerson ahain elekwe on en o sili mel, enggela lei o maseroho etma mel, hwelebag on de apma su: Wilayah enunggul Manasye enap o mo lahaik waharuk fil Ik Yordan foma welatfag on anyo en on hwelebag on de: O Basan en Golan anyo mel, Asytarot mel, eta.

⁷²Wilayah it enunggul unuk Isakhar enap en on de: Kedes mel, Daberat mel,

⁷³Ramot mel, Anem mel.

⁷⁴Wilayah it enunggul unuk Asyer enap en on de: Masal mel, Abdon mel,

⁷⁵Hukok mel, Rehob mel.

⁷⁶Wilayah it enunggul unuk Naftali on en de: o Galilea en o Kedes anyo mel, Hamon mel, Kiryataim mel, etma hwelebag.

⁷⁷At Merari ahain elekwe on fam en kwenang hwelebag fug on anyo re it o sili mel, enggela lei o maseroho wereg on mel, hwelebag on anyo su: Wilayah it enunggul unuk Zebulon on en de: Rimon inim, Tabor inim.

⁷⁸Wilayah it enunggul unuk Ruben on Ik Yordan foma fil mo lahaik waharuk fil anyo en o Yerikho horogma etano en on de: o Beser donggo lehoma etma mel, Yahas mel,

⁷⁹Kedemot mel, Mefaat mel.

⁸⁰Wilayah it enunggul unuk Gad on fam en de: o Gilead en Ramot anyo mel, Mahanaim mel,

⁸¹Hesybon mel, Yaezer mel, etma hwelebag.