Read Ninia Yali 1 TAWARIKH 7 Bible Online

1 TAWARIKH 7 - Ninia Yali bible

1 TAWARIKH 7

¹Hun Isakhar aire omaliki ap enebe ohwan welatfag. Enunuk de Tola ha, Pua ha, Yasub ha, Simron ha.

²At Tola re omaliki ap enebe folfalik en welatfag. Enunuk de: Uzi, Refaya, Yeriel, Yahmai, Yibsam ha, Samuel ha. It ap etare it Tola enap ai fam en enowesi enunggul hagdoho wereg lit ap mun sehen anggen enap welatfag. At hun Raja Daud anyo wereg latfag li re it enebe seberoho re 22.600 en welatfag.

³Hun Uzi ai amloho re misig eke welatfag on de unuk Yizrahya ai. Ne, at Yizrahya mel, at omaliki ap enebe ohwan on, hun Mikhael ha, Obaja ha, Yoel ha, Yisia ha, etare it enowesi enunggul hag welatfag.

⁴It enohwesi mel, enomaliki mel, de hum hamdoho wereg ma re it enambiangma on de enebe 36.000 en ap sehen foroho on duruk ale duruk kamag ulug fouk debeseruk katfag.

⁵It enunggul unuk Isakhar on fam en ap sehen foroho on en duruk ale duruk kam alereg latfag on fahet enunuk furoho baleg welatfag on de ap enebe 87.000 en deg latfag.

⁶Hun Benyamin aire omaliki ap enebe henahan endag-enusug latfag. Enunuk de: Bela ha, Bekher ha, Yediael ha.

⁷At hun Bela en de omaliki ap enebe foaben welatfag. Enunuk de: Ezbon, Uzi, Uziel, Yerimot, Iri inim eta. It ap etare iron ai fam en enowesi enunggul hagdoho wereg ma ap mun sehen anggendoho welatfag enap. It enambiangma on ai en ap sehen foroho on en duruk ale omano duk alereg latfag on fahet enunuk baleg welatfag on de enebe 22.034 en deg latfag.

⁸Hun Bekher omaliki re ep enebe soho en welatfag. Enunuk de: Zemira, Yoas, Eliezer, Elyoenai, Omri, Yeremot, Abia, Anatot, Alemet ha.

⁹It enebe re iron ai fam en enowesi enunggul hagdoho welatfag. It enambiangma on ai en ap sehen foroho on en duruk ale omano duk alereg ma enunuk lisu baloho wereg latfag on de ap enebe 20.200 en deg latfag.

¹⁰Yediael de amloho ap misig ondoho latfag on unuk de: Bilhan. Ne, Bilhan omaliki re ap enebe sabiren endag-enusug latfag. Enunuk de: Yeus, Benyamin, Ehud, Kenaana, Zetan, Tarsis, Ahisahar ha.

¹¹It ap aire enunggul iron fam en de ap sehen anggen enap ulug ap homi enoluk deg latfag. It enambiangma on ai en ap sehen foroho on en duruk ale omano duk alereg latfag ma enunuk baloho welatfag on de ap enebe 17.200 en baloho welatfag.

¹²Hun Ir ambiangma on de hun Supim mel, Hupim mel. Hun Dan[8] amloho re Husim ai.

¹³At Naftali re omaliki enebe ohwan endag-enusug latfag. Enunuk de: Yahziel, Guni, Yezer, Salum ha. It etare hwe Bilha[9] anyo ombalosi welatfag.

¹⁴At Manasye inim ne hwe o Aram on eke amingming angge fam en ohweap debag on eke inim en de enomaliki enebe ap biren angge endag-enusug latfag. Ne, enunuk de: Asriel ha, Makhir ha.

¹⁵At Makhir ai en de at Hupim mel, Supim mel fahet enohwesi hweako og-esebag. At Makhir ohwe[10] unuk de Maakha. At Makhir amloho bireneg on unuk de Zelafead. At Zelafead de omalik ap eke ondoho latfag fug we hwelani neg endag-enusug latfag.

¹⁶Hun Makhir hwe Maakha anyo en omaliki ap biren angge endag-enepfag on de: Peres ha, Seres ha; Peres omaliki ap enebe biren angge welatfag, enunuk de: Ulam ha, Rekem ha.

¹⁷At Ulam de omalik ap misig ondoho latfag. Unuk de Bedan. Hun Gilead amloho Makhir hun Manasye omba anyo ambiangma en endag-enepfag on de etma.

¹⁸Hun Gilead erek hwele unuk Molekhet anyo en de omaliki ap enebe henahan angge endag-enusug latfag. Enunuk de: Isyhod, Abiezer, Mahla ha.

¹⁹At Semida en de omaliki ap enebe ohwam angge ondoho latfag. Enunuk de: Ahyan, Sekhem, Likhi, Aniam ha, welatfag.

²⁰At Efraim de omaliki ap henahan welatfag. Enunuk de: Sutelah, Ezer, Elad ha eta. At Efraim amloho hun Sutelah ai fene en endag-ail lebag on fam en de: Bered, Tahat, Elada, Tahat, Zabad, Sutelah ha. Ezer ha, Ela ha, re it ap homi Gat enap o enonggwareg on etma enowam endag-dauk angge heraharuk men binggi enowatfag.

²²It enaknire nukoho hundig handig fong watuk kwit neg wereg ma it ori akit watlug onggonik waharuk katfag.

²³Airoho debagdeg en at Efraim anyo ohwe inim seberebag ma hwe anyo omalik ahummu atfagdeg omalik ap angge eke endetfag. Endetfag ma re wene it enobam atfag ale anyo fahet de, omalik anyo unuk Beria[11] soalfag.

²⁴At Efraim en de ahaloho misig eke welatfag on ai unuk de Seera. Ne, at en de o Bet-Horon kota emberim fil on mel, Bet-Horon kota apma fil on mel, Uza kota mel, Seera mel witfag on anyo.

²⁵At Efraim amloho misig eke unuk de Refah welatfag. At Refah ai ambiangma en endag-ail lebag on de su: Resef, Telah, Tahan,

²⁶Ladan, Amihud, Elisama,

²⁷Nun, Yosua inim eta.

²⁸O wilayah it ap ai welamag lug og-esebag kwe re mo lahaik waharuk fil de o Betel en Naaran huli etman de, mo obuk uruk fil de o Gezer en kota etma maseroho sili etma mundoho. Wilayah ai ilonggoma re o kota Sikhem mel, Aya mel, o sili aluluk kwe eta mel, mundoho og-esebag.

²⁹Hun Manasye ambiangma on en de o kota Bet-Sean mel, Taanakh mel, Megido mel, Dor mel, o sili aluluk kwe eta mel, sebeloho foroho latfag. Hun Yakub amloho Yusuf anyo ambiangma on welatfag kwe re etma.

³⁰Apma sure at Asyer ambiangma on anyo. Aren de omaliki ap enebe ohwan welatfag on enunuk de: Yimna, Yiswa, Yiswi, Beria, mel, ne omaliki hwelani angge misig eke unuk de Serah welatfag.

³¹At Beria en de omaliki ap enebe biren ondoho latfag on de, Heber mel, Malkiel o Birzait kota witfag ahun anyo mel eta.

³²At Heber de omaliki ap enebe henahan welatfag on de, Yaflet, Somer, Hotam, nim omalik hwele angge misig eke unuk Sua inim eta.

³³At Yaflet oho omaliki ap enebe henahan angge welatfag on de, Pasakh, Bimhal, Asywat inim eta.

³⁴Hun Yaflet are Somer aire omaliki ap enebe ohwan angge endag-enusug latfag on de, Ahi, Rohga, Yehuba, Aram ha eta.

³⁵Yaflet are eke Hotam[12] ai en de omaliki enebe ohwam endag-enusug latfag on de, Zofah, Yimna, Seles, Amal, inim eta.

³⁶Hun Sofah ambiangma on de: Suah, Harnefer, Syual, Beri, Yimra,

³⁷Bezer, Hod, Sama, Silsa, Yitran, Beera inim eta.

³⁸Hun Yeter ambiangma on de: Yefune, Pispa, Ara.

³⁹Hun Ula ambiangma on de: Arah, Haniel, Rizya.

⁴⁰Hun Asyer anyo ambiangma en ondoho on de ai. It enebe abirangge re ap it enahain elekwe fahet enowesi enunggul hagdoho wereg lit, iron en it enautsi mel, enobam mel, fahet deheg, melal-enepuk on leho on welaheg, duruk katfag. Hun Asyer ambiangma on ai fam en de ap sehen foroho on en duruk ale omano duk alereg latfag ma enunuk baloho welatfag on de ap enebe 26.000 en welatfag.