Read Ninia Yali EZRA 8 Bible Online

EZRA 8 - Ninia Yali bible

EZRA 8

¹At hun Artahsasta ebe raja wereg lit melal-enepuk li em, ap homi atam o Babel hwik-enebik lebag on etmano en an Ezra ninim seberoho o Yerusalem waharuhuk on enowesi enunggul unuk domog kepala welatswa on anyo enunuk baleg de su:

²Unggul unuk Pinehas on en de Gersom Unggul unuk Itamar on en de Daniel Unggul unuk Daud on fam en de Sekhanya amloho Hatus Unggul unuk Paros on en de Zakharia inim at unggul unuk on en ap neg enebe 150 en nim. (It enebe endag-atil watfag ale fahet de baleg wereg) Unggul unuk Pahat-Moab on en de Elyoenai hun Zerahya amloho anyo nim ap neg 200 en nim Unggul unuk Zatu[13] on en de Sekhanya Yahaziel amloho anyo ha ap neg enebe 300 nim Unggul unuk Adin on en de Ebed Yonatan amloho anyo ha ap neg enebe 50 en nim Unggul unuk Elam on en de Yesaya Atalya amloho anyo ha ap neg enebe 70 en nim Unggul unuk Sefaca on en de Zebaja Mikhael amloho anyo ha ap neg enebe 80 en nim Unggul unuk Yoab on en de Obaja Yehiel amloho anyo ha ap neg enebe 218 en nim Unggul unuk Bani[14] on en de Selomit Yosifya amloho anyo ha ap neg enebe 160 en nim Unggul unuk Bebai on en de Zakharia Bebai amloho anyo ha ap neg enebe 28 en nim Ungg(...)

¹⁵Ap enebe esan lohwaleg aire ik o kota Ahawa fam kwelabik lauk on anyo elanma etma kabog-debeserihikdeg de, etma nukoho henahan o sabo wiroho welatuhuk. Wereg lit an den nil kumu isil lauk men de it enesahalimu etmano ap imam lohon weregman de it enunggul unuk Lewi on anyo en de dem misik-misig oho eke welatswa fug.

¹⁶Airoho deg ale en de an den it ap homi enowesi melal-enepuk on etmano enebe soho en wol-enepihik on de: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, nim ai en it guru enebe biren on, Yoyarib nim Elnatan nim, wol-enepihik.

¹⁷Woldoho kabog-debeselug de it anyo hun Ido ap homi holduk on fahet kepala o Kasifya welatsi on anyo fam lalug, at Ido mel, ori mel, o TUHAN Obam wirigmu yabuk durukmu etman ap fomane TUHAN Obam Yabuk duruk on fahet mon-nesa wamagdoho akit lakiek, ulug mon-enepihik.

¹⁸Airoho mon-enepihik mu re, nit nenakni Allah enda fano en de ap Lewi on misig hun Serebya mundoho wenggeleg neg deg ahun unggul unuk Mahli on anyo mon-nesa wahasi. At waharukmu ai inim de at omaliki nim, at ori nim, enebe 18 en[15] wahaswa.

¹⁹Hasabya mel, Yesaya mel, it enunggul unuk Merari on anyo en enautsi enebe 20 en nim nit nenekit mon-enebik wahaswa.

²⁰It ai wereg kweleg de it ap TUHAN Obam olma yabuk duruk on enebe 220 en enunuk baleg welatswa on, it enambu-enombasi re at Raja Daud mel, it ap yabuk kerajaan fam etma leho on duruk katswa enap etmano mel, it aire Lewi enap let-enepuk kamuhup ulug fesebag enap omano mel wahaswa.

²¹It anyo wahaswa ma re ik Ahawa elanma etano en an den wene unduhuk foruk kwit de, nit kwema laukmu Allah en melal-neneplug laheg, nit nenebe inim, nit nenomaliki inim, nit nenangge inim, fano hwal-enepuk kamag ulug, niren siburu na fug angge nenambilik hweang hag wereg lit, nenebe nenenda sebele fahat dalug welamul, ulug unduhuk ferihik.

²²An den at raja fam uruk kwit de, ‘Nit nenakni Allah ai en de ap homi At obam dipdoho duruk eleg on erim eneplug unggum enobam feseheg, ne ap homi At obam ebereg lit At obahet neg duruk on fanoap debeseheg, duruk,’ ulug hweag-itihik mu re, nit kwema laukmu ap tentara kuda emberimmu lahalug lauk on etmano nit nenalong baloho og-neneplug lowagdoho ulug raja fam heng uruk alere mun nenda anggin atsi.

²³Ai fam de nit anyo At Allah en kahal-nenusug lamag ulug nenambilik hweang welaheg, somban eheg, duruhukmu, nit somban uruhuk on anyo higitdoho nenepsi.

²⁴It ap imam-imam en enebe oroholeam on hag on etano en de ap enebe nesanggo en angge, hun Serebya ha, Hasabya ha, enori foma enebe numen inim momal-enepihik.

²⁵It momale feselug de at raja mel, at ebe komo ale hweag-utuk on mel, it ap log-lohon mel, it ap homi Israel on en mel, di on su on emas mel, perak mel, o TUHAN Obam olman duruk angge ulug kabog-dusa angge anyo an den it enobahet anggin wal hauihik. Waldoho re abirengge anyo it ap imam etmano enobam ferihik.

²⁶Di angge su angge kabog-dusa angge ai unuk baleg de su: de anggin — — — 22 on wirig on ebe 100 en ai anggin de — — — 70 de anggin — — — 3.400 on 20 en angge re — — — 8,4 on mun fano angge biren onggo reonggo balduk hagdoho deg angge nim kabog-dusa.

²⁸An den it imam omano fam uruk kwit de, “Hit de nenakni TUHAN Allah it nenombasi en apne wauk katfag on anyo fahet amu eneko henobaharuhuk hagdoho re, di angge su angge emas, perak mel hag angge ap homi en kabog-duswa angge ai ohore amu eneko TUHAN obahet welamag.

²⁹Di angge su angge aire mun fanoroho neg hwaloho walug de o TUHAN Obam wirigmu etmano aik lahupdeg, etmano en nikangge anggin wal-halug de it ap imam-imam kepala wereg on mel, it Lewi enap enowesi melal-enepuk on mel, it ap homi Israel on o Yerusalem wereg on fahet enowesi melal-enepuk kwit wereg on etmano mel, enenggikmu fohup,” ulug hweag-esauihik.

³⁰Airoho hweag-esauihik mu re it ap imam mel, it Lewi enap mel, anyo en perak, emas mel, etmano o TUHAN Obam Yerusalem walug wahaswa.

³¹Airebelug de nit anyo o Yerusalem laul ulug de, bigalem keram on wereg kweleg tanggal 12 fam de ik Ahawa anyo embeselug wilibik waharuhuk. Nit wilibik waharuhukdeg kwema etma waharuhukmu ap homi en kwe bal-nenebuk no ulug inim, ap en nenowarik wam no ulug inim, At Allah en nenalong baloho og-neneplug waharuk katsi.

³²Airoho nenepuk kweleg waharuhukdeg o Yerusalem kwik waharuhukdeg de nukoho henahan hunduko nenebe kel wat-dauhuk.

³³Kel wat-dalug de nukoho ohwaneg angge fam de nit nenebe o TUHAN Obam wirigmu etmano lauhukdeg de niren di on su on emas, perak mel omano anggin ilit duruhuk. Anggin ilitdoho re niren it hun Eleazar Penehas amloho anyo mel, it ap Lewi enap enebe biren on, enebere Yozabad hun Yesua amloho anyo ha, Noaja hun Binui amloho anyo ha, inil wereg kweleg de imam Meremot hun Uria amloho anyo og-utuhuk.

³⁴Di on su on anyo abirangge anggin ilitdoho wenaharuhukdeg de mun higitdoho neg lisu baloho foruhuk.

³⁵Nukoho anyo salim neg de it ap homi hele waroho feseik lebagman watfag on anyo mundoho en, enakni Allah ap homi Israel on enakni anyo fam wam TUHAN enda ahayeg howag ulug on waroho yal-utswa. Ai salim wam watswa alere, it ap homi Israel on enebe abirangge fahet de sapi yohombuk 12 en inim, domba yohombuk 96 en nim, domba omalik 77 en inim watswa. Ai en foma it enonggwareg neg fahet nenesiag elehap nenebukwag ulug TUHAN heng uruk kwit fahet ulug de wam kambing 12 en watuhukdeg de, mundoho etma waroho re TUHAN obahet ulug yalduhuk.

³⁶Airoho debelug de, at raja en lisu baloho it og-esebag angge anyo re iren ap propinsi Efrat barat fam wereg latfag on gubernur mel, it yabuk lehoma duruk enap mel, etmano enobam og-esebag. Og-esebag ma re it ap yabuk lehoma duruk enap anyo en de it ap homi anyo TUHAN Obam wirigmu etma kabog neg duruk kamag ulug di angge su angge let-enepfag.