Read Ninia Yali NEHEMIA 12 Bible Online

NEHEMIA 12 - Ninia Yali bible

NEHEMIA 12

¹It ap imam mel Lewi enap mel sabu hetdoho hwik-enebik lebag ma en at Zerubabel hun Sealtiel amloho anyo mel, Imam Agung Yesua anyo mel seberoho nikangge enobam wahausa on enunuk baleg de su:

²It imam anyo Seraya, Yeremia, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, Yedaya nim. It eta re at Yesua wereg li em eta imam on enowesi welatswa enap.

⁸It Lewi enap anyo Allah mot-duruk suni melal-enepuk katswa on de: Hun Yesua, Binui, Kadmiel, Serebya, Yehuda, Matanya nim.

⁹It ap homi suni enele seberebelug uruk kwit eke en wene urukmu iren suni fam onggo uruk katswa on de: Bakbukya, Uni, nim it enori enunggul unuk misig on etan uruk katswa.

¹⁰At Imam Agung Yesua anyo ambiangma en endag-atil lausa on de su: Yesua, Yoyakim, Elyasib, Yoyada,

¹¹Yonatan, Yadua nim.

¹²At Yoyakim ebe Imam Agung wereg li em it ap imam enowesi welatswa on it enunggul unuk on et de su: [Imam ebe] — [Unggul unuk] Meraya — Seraya on Hananya — Yeremia on Mesulam — Ezra on Yohanan — Amarya on Yonatan — Melikhu on Yusuf — Sebanya on Adna — Harim on Helkai — Merayot on Zakharia — Ido on Mesulam — Gineton on Zikhri — Abia on ....[19] — Minyamin Piltai — Moaja on Samua — Bilga on Yonatan — Semaya on Matnai — Yoyarib on Uzi — Yedaya on Kalai — Salai on Heber — Amok on Hasabya — Hilkia on Netaneel — Yedaya on

²²It ap Lewi en enahain elekwe on fahet mel, imam on enahain elekwe on fahet mel enowesi kepala welatswa on enunuk baloho fousa on de it ap Imam Agung enunuk dia wereg li em baloho fousa: Elyasib, Yoyada, Yohanan, Yadua nim. Airoho baloho fousama welatswa famen de at Darius ap homi Persia on fahet raja inatfagdeg welatfagli em eta eleg aik lebag.

²³Famen de it ap homi enunggul unuk Lewi on fahet enowesi kepala welatswa on etma enunuk baleg de wene at Yonatan hun Elyasib omba ai wereg latfag huli eta neg baleg welatswa.

²⁴It ap enowesi melal-enepuk on hun Hasabya mel, Serebya mel, Yesua mel, Binui[20] mel, Kadmiel mel, etan melal-enepuk kweleg de it ap Lewi enap anyo enebe yohwandoho kabog-kabog debeswareg, nukoho hundig-hundig de at Raja Daud en wene melaleg febag ale higitdoho it ai en enebe kabog biren debelug de TUHAN mot-deheg, TUHAN suni fam dang durukmu onggo yig-yig aheg, duruk katwa.

²⁵It ap o TUHAN Obam wirigmu etmano kwik laukmu sokole anyo fam en o ambe di angge su angge nauk on kabogdoho forukmu, o TUHAN Obam wirimu kwik lauk on anyo fam kahaleg welamag ulug feseswa on de: Hun Matanya mel, Bakbukya mel, Obaja mel, Mesulam mel, Talmon mel, Akub mel.

²⁶It etare at Yoyakim hun Yesua amloho at Yozadak omba anyo mel, ne at Nehemia ebe gubernur wereg li em mel, ne at Ezra ebe imam wereg lit Wene melaleg anyo oluk-boluk deg latsi ahun anyo mel wereg li em welatswa enap.

²⁷O Yerusalem fam elehet fak lehet leko wauhuk on anyo obahet soni eserukohoma re it ap Lewi enap enobam domog wereg kwe etmano en watlug ai durukmu suni Allah dangdoho wilibeheg, musik unuk gambus mel kecapi mel kong deheg, dukwag ulug enayonggo feseruhuk.

²⁸Airoho debeseruhukmu re it ap Lewi on enahain elekwe on anyo re it enobam o Yerusalem horog kwe etma welatswa on mel, ne o kota Netofa horog kwe etma welatswa on mel,

²⁹o Bet-Gilgal en mel, Geba en mel, Asmawet en mel, kabog-dik wahausa.

³⁰Airoho kabog-dik wahausareg de it ap Lewi enap mel it imam etma mel en de it enonggwareg enebe enoko welamul ulug ho deheg, ap homi enobahet ho deheg, sokole kuruk on etmano horeheg, ne fak lehet anyo horeheg, duswa.

³¹Airoho duswama re an den ap homi Yehuda on melal-enepuk on etmano fam de it enebe fak lehet oho on anyo asiagle fam lahalug, enebe esan lohon biren lohwale folug de enebe eraroho suni Allah dang duruk on uruk kwit o kota ai maserukwag ulug hweag-esauihik. Airoho hweag-esauihik mu re esan keram on de fak lehet asiagle fam eratfagdeg de, enebe enenggik hware fil sokole eke unuk Gerbang Sampah[21] uruk fil etma lausa.

³²Airoho laukmu re at Hosaya re it ap suni il lauk on etmano enambolma lauk katsi, ne at ombolim de it ap homi Yehuda on melal-enepuk on fomane lohwaloho lausa.

³³Airoho laukmu it ap imam su en it enombolim bohweap furil lauk katswa on de: Hun Azarya, Ezra, Mesulam, Yehuda, Benyamin, Semaya, Yeremia ha eta. It ai enembolim de at Zakharia hun Yonatan amloho at Semaya omba ai lauk katsi. At ai ombasi on foma re: Hun Matanya, Mikha, Zakur, unggul unuk Asaf ahun ai ha.

³⁶At ombolim de it ap homi at unggul unuk on lohwaloho lausa on de: Semaya, Azareel, Milalai, Gilalai, Maai, Netaneel, Yehuda, Hanani nim. It eta enebe abirangge en de musik misig ale on, at Raja Daud Allah amingming angge anyo en watuk katfag on etmano hag on neg walug lausa. Ne, at Ezra Allah wene baleg anyo oluk ahun anyo re it esan anyo fam en olohotma lauk katswa.

³⁷Airoho laswareg de it enebe Pintu Gerbang Air Mancur wereg ma eta laswareg de, it enebe kwaniroho re yal unuk Daud obam kota ai fene laswareg de, at Daud obam bumbuk kwe en de, nikangge sombandoho re fak lehet wirig on mo lahaik waharuk higitdoho en sokole Pintu Gerbang Air eta aik wahausa.

³⁸It suni uruk enap esan bireneg on de fak lehet emberimmu enalukwe hware fildoho eratswa ma, an de it ap homi holduk on mel seberoho lauhuk. Lauhukdeg de nit de nenebe Menara Perapian wereg kwe en Tembok Lebar wereg ma etano lohwalduhuk.

³⁹Ai en de nit de Pintu Gerbang Efraim fene en de Pintu Gerbang Lama fam en de Pintu Gerbang Ikan fene en de Menara Hananeel weregman de Menara Mea fam en de Pintu Gerbang Domba fam etma huli lohwalduhuk. Airoho lohwalduhuk deg de esan niren on anyo re Gerbang Penjagaan wereg ma urukmu en o TUHAN Obam wirig horogma etma bok aik lauhuk.

⁴⁰Airoho aik lauhukmu re ap suni uruk enap esan biren etano re dil-dil o TUHAN Obam wirigmu horogma etano aik lausa. Esan an ninim lauk katuhuk on anyo fam it melal-enepuk on etmano wereg kweleg famen de,

⁴¹it ap imam bohweap fururuk on oho nininim lausa. It lausa on etare: Elyakim, Maaseya, Minyamin, Mikha, Elyoenai, Zakharia, Hananya nim;

⁴²It enombolim de hun Maaseya mel, Semaya, Eleazar, Uzi, Yohanan, Malkia, Elam, Ezer mel, lauk katswa. It ap suni uruk enap etma re at Yizrahya en melal-enepuk kweleg uruk katswa.

⁴³Nukoho ai salim de wam hum-hamdoho waroho TUHAN og-utswa. Airoho duswareg de it ap homi etmano en At Allah en it enahayehap enepsimu ulug enahayeg humdoho duruk katswa. Ne, ai durukmu it omalik doron mel homi mel oho inim seberoho dusareg de, iren enele mun enahayeg fam uruk on etma re yatman oho holduk katswa.

⁴⁴Eta li em de it ap fomane re o ambe di angge su angge foukdeg welamag ulug feik lauk katswa ma, o TUHAN Obam en ambe TUHAN obahet og-utlug foruk katswa on mel, numen on foruk katswa on mel, tahun hundig-hundig fam yabuk men anggen yihig keram balug foruk katswa on mel, hwalduk kamag ulug ap unduhuk feseruhuk. Airoho unduhuk feseruhukmu re it ap kahaleg welatswa on ai en de o kota horog kwe etman yabukmu en anggen yihig balduk on etmano kabog-duruk kwit neg welamag ulug unduhuk feseruhuk. Airoho kabog-dulug de, iren kabog-duruk angge anyo re Wene melaleg fam duruk kamuhup ale ulug wereg hagdoho it imam on mel ap Lewi enap mel fam og-esauk katswa.

⁴⁵ It ap Lewi on mel imam mel aire ap homi mel di angge su angge mel fahet eneg welamag ulug horeheg, ne amu ale Allah en duruk kamuhup ulug ebag ale dukoho deheg, duruk katfag ai fam de it ap homi Yehuda on en enalong bolug duruk katswa. Ne, it ap musik duruk on oho, it o TUHAN Obam wirigmu sokolma kahaleg wereg on oho re yabuk duruk ale fahet wene melaleg Raja Daud mel at amloho Salomo mel en febag aleroho neg duruk katswa.

⁴⁶At Raja Daud welatswa lien, ne at suni uruk ale fahet oluk-boluk deg ahun Asaf anyo welatsi lien anggere it suni uruk katswa enap etma re suni Allah dang duruk kwit uruk katswa.

⁴⁷Ne, at Zerubabel welatsi li em oho ne at Nehemia welatsi li em oho re ap homi Israel on en de it ap suni uruk enap mel ne o TUHAN Obam kwik laukmu sokolma kahaleg welatswa enap fahet oho di angge su angge kabog-dulug it di salim su salim nauk-wauk on fahet og-esauk katswa. It ap homi holduk on en de ap Lewi on di angge su angge eneko folug og-esaukmu re it ap Lewi enap en oho re it ap imam etmano it og-esauk kamuhup ale ulug eneg wereg aleroho og-esauk katswa