Read Ninia Yali NEHEMIA 3 Bible Online

NEHEMIA 3 - Ninia Yali bible

NEHEMIA 3

¹At Imam Agung on hun Elyasib mel at ori mel en o kota Yerusalem anyo fak lehet sokole unuk Gerbang Domba anyo mel, sok bakop mel, nikangge hwaloho witfagdeg TUHAN obahet eneko febag. Ne, iren de fak lehet fam en de o il yatdoho witil lahabag on unuk Menara Seratus anyo fam en de eke unuk Menara Hananeel anyo huli etma re mundoho buhundoho witfag[4] deg TUHAN obahet eneko febag alere ebe diroho su.

²It ap imam eta nim de it ap homi fomane o kota anyo fak lehet mel, sokole mel, o il yatdoho witil lahabag on mel buhundoho wituk mu ininim witfag on en eneyabuk domog de su. It Yerikho enap, Zakur hun Imri amloho unggul unuk Senaa on ai mel en de: Gerbang Ikan ai mel, e kahaleg on lahapuk on mel, sok elaha mel, bosiemanggen delduk on mel, e nunggulig sobang deberuk on mel, etma witfag. Ne, it hun Meremot hun Uria amloho Hakos omba ai mel. Mesulam hun Berekhya amloho hun Mesezabeel omba ai mel. Zadok hun Baana amloho obam indip kota Tekoa enap, (enebe re o kota ai fam kain enowesi welatfag enap etma re yabuk enomamneroho duruk on de enerimdoho duk fug angge welatfag.) Ne, it Yoyada hun Paseah amloho ai ha, Mesulam hun Besoja amloho ai ha en de: Sokole humon unuk Yesyana[5] anyo nim, e kahaleg on lahapuk on nim, sok elaha nim, bosiemanggen delduk on nim, ne e sobang duruk on mel, witfag. Hun Melaca obam Gibeo(...)

¹⁷Fak lehet fomabil sure it ap Lewi enap en wausa alere diroho: Hun Bani amloho Rehum anyo ha hun Hasabya o distrik Kehila minggiroho fahet along on welatfag ahun ai mel en de: Fak lehet ebe it oho enonggwareg fahet on webag. Ne, Binui hun Henadad amloho o distrik Kehila minggiroho fahet along on welatfag ahun ai mel. Hun Yesua amloho Ezer o Mizpa etma along wereg on welatfag ahun ai mel en de: fak lehet de kwe unggutmu o sehen mel dog angge wereg ma anyo olohotma etma webag. Hun Zabai amloho Barukh anyo en de: fak lehet kwe unggutmu etmano en de o hun Imam Agung Elyasib anyo obam wirigmu etma huli wasi. Hun Meremot at Uria amloho hun Hakos omba anyo en de: hun Elyasib obam sokolma etan de wil-wil de o anyo ambiangma etma huli wasi.

²²Fak lehet fomabil it ap imam en leko webag on atam en fobik de diroho: It imam enebe o Yerusalem etma horogdoho welatfag on mel. Benyamin mel Hasub mel en de: fak lehet it enonggwareg enobam sokolma etmano webag. Azarya hun Maaseya amloho hun Ananya omba anyo en de: fak lehet o onggwareg en on alulukmu etano webag. Binui hun Henadad amloho ai en de: fak lehet hun Azariah obam wirigmu en de fak lehet oho on anyo unggutmu etma huli webag. Hun Uzai amloho Palal anyo en de: fak lehet de fak lehet oho on anyo unggutmu etano en de hun raja obam bumbukmu ap lahalug kahalegma en il emberim fil kahaleg wereg ma etman olohotma etma huli webag. Hun Paros amloho Pedaya anyo en de, fak lehet sokole unuk Pintu Gerbang Air en mo lahaik waharuk fil en de o TUHAN Obam wirigmu fahet lahalug kahalegma etma huli wasi. (Etan horogdoho etare o sili eke unuk de Ofel, it ap TUHAN Obam anyo fahet yabuk duruk enap wereg ma ai wereg.)

²⁷Fak lehet fomabil de it ap enunuk baleg on su en atam deg fobik deg webag ale re su: It ap homi Tekoa on en de: fak lehet de TUHAN Obam lulukmu ap lahalug kahaleg on wirigmu etano en fak lehet o Ofel sili kwe etma webag. It imam o sokole unuk Pintu Gerbang Kuda urukmu etma wereg enap en de: fak lehet de it enobam wirig on nim alukwe misigmu deg on etmano fam en de sokole fam etman de dil-dil de il emberim utara fil etma huli. Hun Imer amloho Zadok anyo en de: fak lehet at onggwareg obam nim alukwe misigmu deg on etma webag. Hun Sekhanya amloho Semaya sokole unuk Gerbang Timur fil uruk on anyo kahaleg welatfag ahun ai en de: fak lehet at onggwareg obam nim alukwe misigmu deg on etmano wasi. Hun Selemya amloho. Hananya anyo ha ne hun Zalaf amloho Hanun ebe re folfalik on anyo ha. Berekhya amloho Mesulam anyo ha en de: fak lehet it enonggwareg enobam nim alukwe misigmu deg on etmano webag. Hun Malkia emas lalduk ale oluk ahun anyo en de:(...)