Read Ninia Yali NEHEMIA 7 Bible Online

NEHEMIA 7 - Ninia Yali bible

NEHEMIA 7

¹Ne, fak lehet anyo mundoho oho fousa ma re an den sok ebe wirukwag ulug hweag-esauihik. Airoho debelug de an den it ap o kota kwik lauk on fam sokolma kahaleg wereg on mel, it ap suni uruk enap mel, it Lewi enap mel, eneyabuk domog dukwag ulug hweag-esauihik.

²Ne, o Yerusalem fam etma ap homi melal-enepuk kamag ulug de an nare Hanani anyo mel, Hananya ap sehen seneg enap enowe mun hambuk lele wareg ahun anyo mel fam og-esauihik. Aire at de ap amu on horog maben hag deg kweleg at neg de mun along deg lit ebe oho Allah fam akol bolug deheg, ne yabuk oho duk alereg on deg en og-itihik.

³Airoho og-esalug an den it enobam uruk kwit de, “O Yerusalem kwik lauk on sokole aire o nukoho atuk halug neg husuruk kamuhup, ne it ap kahaleg wereg on hupmu obogdoho duk fug li em de sok lare folug kelog ware foruk kamuhup. Ai en eke re it ap homi Yerusalem on enesahalimu etman ap o obale domog-domog kahaleg wereg on fahet mel, ne it enobam oluluk kwe etmano men-men angge lauk kwit kahaleg wereg on mel fahet unduhuk fesehup,” ulug hweag-esauihik.

⁴O Yerusalem aire kota humon famen de ap homi etma wereg on de dorangge neg welatfag, ne o wirig ohore dorangge neg wirig latfag.

⁵Ai fam de Allah en de an den ap holduk on mel, it melal-enepuk on mel, enowesi kaindeg mel, kabog-debeselug, it enebe inindip endag-atfag aleroho baleg on wenag-enebukwag ulug eke ebename nobahasimu re airoho dirihik. Ne, eta li em de an den it ap enebe sabu hetdoho hwik-enebik lebagman en keram sombandoho watfag on etmano enunuk baleg anyo wereg ma hweaharihik. Ombolim su re lisu baleg latsi on ai fam deg ma hauihik alere diroho:

⁶Ap homi sabu hetdoho hwik-enebik lebag on etmano enebe hum-hamdoho o Propinsi Babel anyo embeselug, nikangge sombandoho o Yerusalem nim Yehuda nim, enobam kota domog watfag. It enebe re at Raja Nebukadnezar sabu hetdoho feleleng eneplug o Babel hwik-enebik lebag ma etmano li anunuroho welatfadeg watfag.

⁷It ap watfag on etmano enowesi melal-enepuk katfag on de, Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum, Baana nim.

⁸Ne, it ap homi Israel enap enahain elekwe en it enunggul unuk deg ale etano domog seberoho wenag heg hwik-enebik lebag ma etman watfag on enunuk baleg de su: Paros enap de — — — 2.172 en Sefaca enap de — — — 372 en Arakh enap de — — — 652 en Pahat-Moab (At Yesua mel Yoab mel enambiangma on) de — — — 2.818 en Elam enap de — — — 1.254 en Zatu enap de — — — 845 en Zakai enap de — — — 760 en Binui enap de — — — 648 en Bebai enap de — — — 628 en Azgad enap de — — — 2.322 en Adonikam enap de — — — 667 en Bigwai enap de — — — 2.067 en Adin enap de — — — 655 en At der (Eke Hizkia uruk katfag on) ai enap de — — — 98 en Hasum enap de — — — 328 en Bezai enap de — — — 324 en Harif enap de — — — 112 en Gibeon enap de — — — 95 en watfag.

²⁶It ap homi enomba-enambusi o kota unuk apma su fam welatfag on etma oho re sabu hetdoho hwik-enebik lebag ma etman watfag on welatfag on de su: Betlehem mel Netofa mel fam de — — — 188 en O Anatot fam de — — — 128 en O Bet-Azmawet fam de — — — 42 en O Kiryat-Yearim, Kefira, Beerot mel fam de — — — 743 en O Rama nim Gaba nim fam de — — — 621 en O Mikhmas fam de — — — 122 en O Betel mel Ai mel fam de — — — 123 en O Nebo amu on fam de — — — 52 en O Elam amu on fam de — — — 1.254 en O Harim fam de — — — 320 en O Yerikho fam de — — — 345 en O Lod, Hadid mel Ono mel fam de — — — 721 en O Senaa fam de — — — 3.930 en

³⁹It ap imam enahain elekwe on en enunggul unuk domog hwik-enebik lebag ma etmano en watfag on enunuk baleg de su: At Yedaya (Hun Yesua ambiangma on) en de — — — 973 en Imer on de — — — 1.052 en Pasyhur on de — — — 1.247 en Harim on de — — — 1.017 en

⁴³It enunggul unuk Lewi on sabu hetdoho hwik-enebik lebag ma etmano en enahain elekwe domog watfag on de su: Yesua mel Kadmiel mel (Hun Hodewa ambiangma on de) — — — 74 en Hun Asaf ambiangma on oObam enduruk katfag on de — — — 148 en Hun Salum mel, At der mel, Talmon mel, Akub mel, Hatita mel, Sobai mel enambiangma on oObam wirigmu kwik laukmu sokolmah kahaleg latfag on de — — — 138 en watfag.

⁴⁶It ap o TUHAN Obam olma yabuk duruk katfag on enunggul domog enahain elekwe domog hwik-enebik lebag ma etman watfag on enunuk baleg de su: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah nim Hatifa nim watfag.

⁵⁷It ap hun Salomo obahet yabuk duruk katfag on enunggul unuk domog, enahain elekwe on nim hwik-enebik lebag ma etmano en watfag on enunuk baleg de su: Sotai, Soferet, Perida, Yaala, Darkon, Gidel, Sefaca, Hatil, Pokheret-Hazebaim, Amon nim watfag.

⁶⁰It ap TUHAN Obam wirigmu yabuk duruk katfag on mel, ne at Salomo obahet yabuk duruk katfag on mel sabu hetdoho hwik-enebik lebag ma etman nikangge watfag on enebe seberoho re 392 en.

⁶¹It ap homi o kota unuk Tel-Melah, mel, Tel-Harsa mel, Kerub mel Adon mel, Imer mel, etman wilibik watlug watfag on en, it enunggul unuk Delaya mel, Tobia mel, Nekoda mel, et watfag on enebe abirangge re 642 en. Famen de iren nit demdoho ap homi Israel on enambiangma en ulug fekaroho uruk katfag fug.

⁶³Ai hagdoho it ap imam enap fomane oho re it enombasi ebe di mel di mel ulug baleg wereg on hweahabag fug. It hweahabag fug on etare enunggul unuk Habaya on mel, Hakos on mel, Barzilai mel. (Barzilai aire it enunggul unuk Barzilai on en imam welatfag on etma enomba famen de aren hwe unggul unuk Barzilai ambiangma on o Gilead etma on hwelebagdeg de, aren unuk de at eyamal unuk fene soalfag on ai mel.) It etare iren nit nenombasi ebe di mel di mel ulug fekaroho ebag fug mu re it enebe imam on ulug og-enepfag fug.

⁶⁵ It aire at gubernur o Yehuda fam etma welatfag on di angge su angge nauk on Allah obahet folug og-utuk on etmano nauk kamluhup fug ulug ili ebagma weregman neg de it ap imam misig eke en Allah enda boruk ale nenoluk amag ulug duruk katfag angge unuk Urim mel Tumim [13] fam en keroho dul ulug ilauk men neg nauk katfag.

⁶⁶It ap homi sabu hetdoho hwik-enebik lebag on etma enobam kwenang indipmu nikangge watfag on enebe abirangge seberoho re 42.360 en. Ne, it eta wereg kweleg de fomane it let-enepuk on watfag on de enebe 7.337 en ne, it suni uruk enap de 245 en angge watfag. Airoho waharuk kwit de iren enangge wam di angge su angge hwelalug watfag on de su: Nore — — — 736 en No unukde — — — 245 en Nore — — — 435 en Nore — — — 6.720 en

⁷⁰It ap homi holduk on enebe humdoho en de o TUHAN Obam anyo buhundoho wutuk mu letdoho ulug enenda fano en kabog-debag angge re su: Aten de — — — de 8 — wene kabog duruk kwit wauk anggere 50 en — Iten sumwan-duruk on de 530 en It enunggul unuk domog fahetwereg on en de — — — de 168en — nede 1.250en. It ap homi foma amu on en de — — — de 168en — nede 140en — Sumen wan duruk on de 67 en kabog-debag.

⁷³ Airoho kabog-dik watfagdeg it ap imam mel, Lewi enap mel, o TUHAN Obam wirigmu sokole kwik lauk on fam kahaleg wereg enap mel, suni uruk enap mel, ap homi holduk on hum-hamdoho mel, it ap o TUHAN Obam olma yabuk duruk enap mel, ne ebe horogdoho re it ap homi Israel on enebe abirangge mel, o Yehuda fam etmano o kota kwe mel, ne o sili dot kwe mel da kwil ya kwil lebagdeg welatfag.