Read Ninia Yali AYUB 25 Bible Online

AYUB 25 - Ninia Yali bible

AYUB 25

¹Airoho ebag ma at Bildad en onggo uruk kwit de, “Allah aire At mun omamne humon wereg ma re; At il hanim nit ap homi mundoho nenowag elek duruk kamuhuk; At ebe o bohol fam etma raja unduhuk wereg lit melal-enepukmu etmano, lombuk deg welamag ulug hwalduk kwit wereg.

³Malaikat at obahet duruk on etma wenahauk alereg behen? ne Aren aseleg ombagbag duruk fug mu eke wereg behen?

⁴At Allah il hanim de ap homi eke siag eleg angge mun eneg neg welam alereg a? ite At ilmu buhundoho neg eke welam alereg behen a? Mun eleg.

⁵At Allah en de bigalem fahet ohore il seleg deg fug boruk; ne sohwalanggen de mundoho il mum-mam deg boruk.

⁶Ne, nit ap homi imbalo mel, hwerenangge mel oma re mun ebenaheg deg lahe! At Allah il hanim de mun fano angge welahe fug,” ulug ebag.