Read Ninia Yali AYUB 35 Bible Online

AYUB 35 - Ninia Yali bible

AYUB 35

¹Ayub ahwi, haren boruk kwit, an de il hanim siag dirihin fug ulug boruk kahen on aire, mundoho henda nong-hong deg lit uruk kahen.

³Hat furebein, ap en hein og-heauk kwit, hat hasiag dirihin ai fam de, At Allah fam keroho atsi; ne hat siag dirihin fug halug oho re ambiangma hat de nangginig angge hwelauihin.

⁴We an den neg hat nim it hori fomane etma nim fam onggo hweag-hesamin.

⁵Hil boholma lahap halug de, bohol anggulog mun yit-yatma etlema wereg angge ai furin.

⁶ Hat hasiag dirihin halug oho re At Allah fam de, nunggwelug disi bouk fug alereg; ne haren kwasikdoho dirihin fam oho re At Allah fam di roho su roho am on eke wereg fug.

⁷Ne, haren fano duruk fam oho re Allah haren let-dirihin ale eke wereg fug; Dik demdoho anggere, At Allah ai haren let-ha ale eke mun wereg fug.

⁸We hat hasiag en de it hori hinim wereg on etmano siahap debeseruk kahen; ne haren fano ale duruk kahen halug ohore At Allah fam neg fano ale aik lauk.

⁹Ap homi sebeloho feseruk on etmano re nenek duruk; ne iren de let-nenebiek ulug hwiruruk.

¹⁰Famen de it enenda hesiloho wereg ma aire; it enakni Allah wal-enepsi on en enenda hambuk angge debesouk fug alereg,

¹¹ne wam, bak, mene, di angge su angge mel, suwe mel o kwenangma wereg on etmano wenggelduk on eleg kweleg; ap homi neg de wenggelduk on og-esasi.

¹²It ap homi anggin-fanggin hauk on ai en hwiruruk famen de; iren siag neg duruk kwit winik-wonog urukmu re At Allah en holuk eleg angge bik-bok wereg.

¹³At Omamne Leho wereg on anyo il esa fug angge, esanggo holuk eleg angge wereg kweleg; iren enele omamne fam we obahatman neg hwiruruk kwit wereg.

¹⁴Ayub ao, alongdoho re haren uruk kwit; an den At ebe hauk kahi fug uruk kahen, an nawene re At mundoho oluk atsi mu re, At ebe neg nangno hauk kahi uruk kahen on ai.

¹⁵Haren boruk kwit de, At Allah en unggum og-esauk fug, ne ap homi wene melaleg dahan duruk on omano re fureberuk fug boruk kwit uruk kahen a?

¹⁶Haren hele uruk kahen on etma re demdoho honggwareg hapeleg liren uruk kahen ai enameg; aireg ma re hat hele lisoho uruk ale aire we elalin ehen halereg.