Read Ninia Yali MAZMUR 100 Bible Online

MAZMUR 100 - Ninia Yali bible

MAZMUR 100

¹Di angge su angge TUHAN obahet walug foruk kwit dang duruk suni At TUHAN obahet hit kwenangma henap en henanggiluk diek!

²Henahayeg fam At TUHAN obahet diek, suni se on il At olohotma waharuk kamek!

³At TUHAN ai ebere Allah wereg anyo henenda wenggel-hakiyug. Nit de Aren neg wal-nenepsi ne nit de At onggwareg angge welahe; nit de At omaliki welahe, an domba hag Aren neg hwal-nenepuk on welahe.

⁴Hiren At obam asokole fene kwik waharuk kwit suni dang duruk suni il kwik manik, At obam ambe lilimol balegma etma kwik waharuk kwit suni motdeg suni il kwik manik. Hiren At neg dang duruk kwit At neg mot-duruk kamek!

⁵ At TUHAN aire mun fanoreg ma re; Aren enda hundig nenepuk on aire mundoho-mundoho welaruhu, ne Aren dipdoho neg nenepuk on aire li eke waheg eleg aik laheg duruk kweleg mundoho welaruhu.