Read Ninia Yali MAZMUR 101 Bible Online

MAZMUR 101 - Ninia Yali bible

MAZMUR 101

¹Daud Asuni. TUHAN nakni, an den de Hat hobahet Haren dipdoho deheg, katukdoho deheg neg duruk kahen ale ai hobahet, suni Hat mot-hapuk suni uruk katmin!

²An de nebe fam siag eleg angge ohwale fahat dalug wereg ale ai fahet fubi deberuk kahi, Hat de nangginig li em an nakit waruhun? An de nobam olma etma nebe ene fahat dalug welaruhuk.

³Siag ale duruk on aire eke welamag ulug embesehuk fug, ap Allah ebe on anyo embeselug lauk on en duruk ale aire nil malipdoho kumu esauk kahi, ne it en duruk ale fahet an wong debelug welahi.

⁴An de hwenaroho[53] duruk ale aire nerim deg lahi, ne siag on durukmu[54] nerim deg lit ahaye enepuk kahi.

⁵It ap homi ling-long angge enele ousa ale enobam sipukdoho foruk on de, an den enebe elehapdoho foruk karuhuk. It ap enenda leho fahat-dauk kwit enawonog atuk on de, an den eke feseruk karuhuk fug.

⁶Ap homi Allah fam dipdoho duruk on neg de an den nenda enusug lahi; it aireg on neg de an nobam welamuhup. It ap homi enebe am siag ale eleg angge wereg on neg de, an nobahet duruk kamuhup.

⁷Ap enele seiale on de an nobam olma welamuhup fug, ap homi enele sap-sapli on de an nolohotma anunuroho unduhuk lam fug alereg.

⁸Di nukoho su nukoho re o kwenang su fam ap homi siag ale neg duruk kwit wereg on etma, an den mundoho fun-fan esahuk. Ap homi enolok fam ale neg duruk on etma re, At TUHAN obam kota fam etman mun elehap debesehuk.