Read Ninia Yali MAZMUR 110 Bible Online

MAZMUR 110 - Ninia Yali bible

MAZMUR 110

¹ Daud Asuni. At TUHAN en an nowe unuk bogdeg hweag-utuk kwit, “It hinim selei on minggirig welahep anyo, al bereloho owan hapma fesouk fug mu, ninim welamuhuk en nenggik bekit fil huraik ma,” ulug isi.

²O Sion fam etman haren melal-enepuk kahenma kerajaan anyo At TUHAN en wiriloho fohu; Haren it haselei on etma enemberimmu wereg lit homamne welamuk!

³Duk mun eneg horeg on fam etma, hat halong-balongdoho waharukmu it ap homi holduk on etmano enendan bolug waharuk kamuhup. O hubet lil suknig anyo hag, it ap sauwe on etmano Hat hakit airoho waharuk[63] kamuhup.

⁴ At TUHAN ele hombuk baloho wene sali uruk kahi on sure nele owag oko wahuk fug on ulug uruk kwit de, “Ap Melkisedek dil lauk katfag anyo hag ambiangma, An Allah nil hanim ap homi enobahet hat mundoho duruk karuhun,” ulug isi.

⁵TUHAN ebe henggik bekit fil etma wereg, ne At olok atuk halug de ap raja etmano enalong elehapdoho feseruk.

⁶Aren de ap homi di enunggul unuk su enunggul unuk etmano unggum enobam fesehumu, it enebe wareg da lin ya lin uruk kamuhup. Aren de o kwenangma suma ap homi enobahet it enalong wereg on etmano, enebe mundoho elehapdoho fesehu.

⁷At raja en de kwe elanma ik wirig atuk on anyo nahureg, at omamne dil lauk kwit, at ebe along aruhu.