Read Ninia Yali MAZMUR 111 Bible Online

MAZMUR 111 - Ninia Yali bible

MAZMUR 111

¹TUHAN motdeg welamag! At omaliki enebe kabogdeg on enesahalimu etmano en, an den nenda abirangge mundoho fam At TUHAN dang duruk kahi.

²At TUHAN en duruk ale etma re along ale neg duruk, ap homi enenda on en neg de fik-furoho bilingguk alereg.

³At TUHAN en yabuk duruk ale etma re mun nikdoho fulu-bolan ale neg duruk, Aren katukdoho neg duruk on aire eitog eme mundoho welaruhu.

⁴At TUHAN aire ap homi enda hundig enebeheg, enelaheg eseheg, duruk on, niren hundig ebereg lit neg welamag ulug, Aren de ap homi en yande-fouk duruk kam on etmano neg duruk.

⁵Aren de ap homi At wene furebelug duruk on di angge su angge nauk angge mel amu on mel og-esauk, Aren de sali wat-esasi on anyo hundig ebet hauk kwit wereg.

⁶It ap homi enunggul unuk amu on enangge deg latsi on etmano, Aren omaliki on og-esasi ai fam At along wereg ale anyo enam atuk.

⁷At TUHAN de duruk ale etma mundoho katukdoho neg deheg, dipdoho neg deheg, duruk, At awene melaleg etma re mun omamne deg ma re obam dipdeglam alereg.

⁸At Awene melaleg wereg on aire li mundoho-mundoho etma omamnereg welaruhu, Aren de demdoho on fam deheg, katukdoho on fam deheg, duruk.

⁹Aren de it omaliki fiselaroho fesesireg de, ininim sali mundoho-mundoho welaruhu on wat-esasi. At ebere TUHAN along on mun amu eneg wereg on anyo!

¹⁰ Ap homi sa en at enda wereg on welaruhuk boruk halug de aren TUHAN fam along bolug[64] leho foruk karuhu fano, ap homi At ele holoho neg duruk on fam de wenggelduk on og-esauk. TUHAN ai di li em su li em mitdeg motdeg welamag!