Read Ninia Yali MAZMUR 114 Bible Online

MAZMUR 114 - Ninia Yali bible

MAZMUR 114

¹ Israel on Mesir en wilibik watfagdeg oi, Yakub en ondohoma on o kwenang mu obam embeselug watfagdeg oi,

²TUHAN en de o Yehuda fam etma obale mun eneg ma debebag oi, Israel fam etma re At along wereg ma debebag oi.

³ Ik Laut Gelagah il halug de akol en heiye lebag oi, Ik Yordan de wirig atuk ale bale febag oi.

⁴No kambing en hemet duruk hagdoho dom-dom hemet duruk katfag, domba omalik en holombog duruk hagdoho duk-duk holombog-holombog angge duruk katfag oi.

⁵Ik Laut su re hat de nunggwe wereg en heiye lauk kahen, ne Ik Yordan su re nunggwelug wirig atuk kahen fug?

⁶Hit dom-dom oma nunggwelug hemet-hemet angge duruk kahep oi, ne hit duk-duk suma re nunggwelug holombog-holombog angge duruk kahep?

⁷Hat kwenang su, At TUHAN olohotman de elek-felek din, at Yakub akni Allah olohotma etman,

⁸ Helep ug helep welatfagma etmano en ahamdoho ik sene yenggelfag on anyo, ne helep dom aeg welatfag on ik eleruk debebag on anyo olohotman oi.