Read Ninia Yali MAZMUR 121 Bible Online

MAZMUR 121 - Ninia Yali bible

MAZMUR 121

¹Somban urukmu lauk kwit uruk katfag asuni. An den dom-dom kwe nil fu halug, ke fil en an let-nabik watmisi aho? Ulug fureg lahi.

²At TUHAN o bohol inim kwenang inim wal-debag on anyo en neg, an let-nabik waharuk.

³At halong bal-husug wereg on ai en fahat-husug wereg ma re, hat hebe wat-dowag ulug Aren embesehu fug.

⁴Dik-demdoho anggere, it ap homi Israel on enalong baloho fahat-enusug wereg on aire, kunelduk kwit nohoruk wereg fug.

⁵At TUHAN en neg hat fahat-husug welaruhu, hat hebe halong baloho fahat-husug laikoho At ebe haluluk wereg.

⁶O nukoho angge mo yatuk on en nim, no o hup angge bigalem yatuk on en nim, hat hebe ouk habuhu fug.

⁷Hat hebe nal am aleregman At TUHAN en halong baloho fahat-husug laruhu, hat hebe hahap wendareg welamag ulug Aren neg fahat-husug laruhu.

⁸Hat hebe lag-wag uruk kweleg, ketia inim fobik mundoho-mundoho inim Aren neg halong baloho fahat husug laruhu.