Read Ninia Yali MAZMUR 122 Bible Online

MAZMUR 122 - Ninia Yali bible

MAZMUR 122

¹Somban urukmu lauk kwit Daud en uruk katfag asuni. Ap en an nobam uruk kwit, “TUHAN Obam wirigmu lakohon ma!” urukmu an mun nahayeg hauk kahi.

²Ketiare nit o Yerusalem kota sokole kuruk on anyo fam aik wahe.

³O Yerusalem ebe kota welamag ulug, elahalet mun buhun-bahandoho wirigmu anyo.

⁴O suma neg it ap homi enunggul unuk-enunggul unuk on, it enunggul unuk-enunggul unuk TUHAN en momla-enepsi on etmano, TUHAN akit dang dukoho, Aren wene melaleg isi aleroho waharuk.

⁵O suman neg it raja at Daud ambiangma on etmano en ap homi enawene ayo wiroho biling-enepuk.

⁶Hiren o Yerusalem anggin-fanggin eleg angge mun fanoroho neg welamag ulug somban uruk kwit, “It hat hobam enenda hundig boruk on oho enebe fam fanoroho neg welamag.

⁷Hat welahenma wilayah fam etma mun enenda sakoroho neg welaheg, ne huk lehet oho on etma fam mun di on su on eleg angge welaheg, deg lamag” uruk kamuhup.

⁸It nori-nerekwi nombalisi enobahet oho re an den uruk kwit, “Hat hebe mun fanoroho neg welamuk!” Uruk kahi.

⁹Hat hebe fam hahayegdoho welaruhun en, Nit nenakni TUHAN Allah anyo unukdoho an den somban uruk kahi.