Read Ninia Yali MAZMUR 123 Bible Online

MAZMUR 123 - Ninia Yali bible

MAZMUR 123

¹Somban urukmu lauk kwit uruk katfag asuni. TUHAN nakni Hat hebe o bohol fam etma melal-enepuk kahen on, an den Hat hobam nalukwe lahabeg welahi.

²Ap enamingming angge en it enowesi fam enenda hembisig lit wereg hag, ne enamingming angge hwelani on en enesingasi fam enenda hembisig wereg hag, niren airoho neg Haren henda nesowag ulug, Hat TUHAN nit nenakni Allah hobam lahaboho welahe, nakni.

³TUHAN nenakni, nit de ap homi en mun hum-ham ale sebeloho nenobaharuk en de, Haren henda hundig nenebin, henda hundig nenebin o nenakni.

⁴It ap homi enenggik wereg on en enalitno nenepuk ale etma lik hauhuk, ne it ap enawonog atuk on etman bulip-nenepuk ale etma log hauhuk.