Read Ninia Yali MAZMUR 124 Bible Online

MAZMUR 124 - Ninia Yali bible

MAZMUR 124

¹Somban urukmu lauk kwit Daud en suni uruk katfag on. TUHAN nit ninibil atuk kam fugmen de keroho deg lam alereg? Yaho ap homi Israel on, onggo diroho iek:

²“Nit nenaselei on en nit nenowarukoho duruk li em, At TUHAN nit ninibil atuk kam fugmen de,

³it enolok eneharoro deg lit duruk ai fam, nit nenebe nenoluk kengge bil nesa alereg.

⁴Nit de ik fu waharuk kwit ha neneplug laheg, ne ik en sal-nenepil lahakeg duruk kwit;

⁵ik namelmeldoho ahum namum-hamun uruk on ai fam nit nenebe obukdoho warala.” Iek.

⁶It nenaselei on etman nit nenebe mundoho fun-nesowag ulug Aren fotog nesasi fug mu, niren TUHAN fam neg mot-duruk kamukohon.

⁷Nit de ap suwe watuk on en sabu yep deberuk men foldongdoho wilibik lauk anyo hag; sabu yepdeg on anyo mundoho kong disimu nit loloho wilip atuhuk!

⁸Nit de At TUHAN o bohol inim kwenang inim wal-debag on, ai fam neg let-nenebik waharuk.