Read Ninia Yali MAZMUR 125 Bible Online

MAZMUR 125 - Ninia Yali bible

MAZMUR 125

¹Somban urukmu lauk kwit uruk katfag suni. Ap homi TUHAN obam enenda demdoho boruk on de, Duk Sion hambuk leleroho unduhukmu mundoho-mundoho etma elek-felek uk fug angge wereg anyo hag deg.

²Dom-dom en o Yerusalem along baloho kwelabeg wereg anyo hag, airoho neg At TUHAN en it omaliki etmano o ketia en fobik mundoho-mundoho etma enalong bal-enusug welaruhu.

³Ap homi bekitdoho duruk on enanggwenangma etma re, it kwasikdoho neg duruk on etmano it ap homi fano neg duruk on inim siag duk no ulug de, it kwasikdoho neg duruk on etma enalong wereg lit neg welamuhup fug.

⁴TUHAN nenakni, it ap homi fano on nim ne enenda il wareg on nim, etma fam Haren fano ale neg debeseruk kamin.

⁵Famen de it ap homi hwenaroho duruk on de, it ap homi kwasikdoho neg duruk on nim At TUHAN en unggum enobam fesehu lamag.