Read Ninia Yali MAZMUR 127 Bible Online

MAZMUR 127 - Ninia Yali bible

MAZMUR 127

¹Salomo asuni. O TUHAN en wituk fug on halug, it ap o wituk enap etma re we alemaroho wituk. TUHAN en o kota along baloho foroho fug halug de, it ap o etma fahet kahaleg wereg on etma re we alemaroho kahaleg wereg.

²Nauk on fahet herarauk kwit yabuk anggilik-anggoloroho duruk on etma re we obahareroho duruk, mun hubet-habet inatlug, en mun hup andundu atuk mu nohweik lauk; Ap homi TUHAN en enda hundig-enusug on enobahet de, it enebe nohoruk kweleg etma, Aren neg fik-fouk debeseruk angge famen duruk.

³Nenomaliki aire Allah en neg og-nesauk, dik-demdoho anggere it aire At enda fano en og-nesauk.

⁴Enomalik ap angge enebe sauweman hweag-dauk on etma re dog angge ap sehen foroho on enowesi enenggikmu deg hagdoho.

⁵Ap en enendog angge airoho fik-fouk dobahat-dauk on etma re, enahayeg hauk kamag! Ap eneselei on nim wene katukdoho baldukmu etmano ambi atlug de, ap aireg on etma enalong mabenap debesehup fug.