Read Ninia Yali MAZMUR 129 Bible Online

MAZMUR 129 - Ninia Yali bible

MAZMUR 129

¹Somban urukmu lauk kwit suni uruk katfag on. Israel on, hat hebe sauwereg li en angge, it haselei on en hobam anggin-fanggin hobaruk katswa ale anyo fahet in.

²“An nebe sauweman angge iren nobam anggin-fanggin foruk katswa, famen de iren an nalong elehapdoho nobaharuk katswa fug;

³iren de an nahabimu yebil ambumbu re, it ap yabukmu moholdil lauk on en kalog lahabe foruk on hag deg.

⁴Famen de At TUHAN mun dipdoho neg duruk on en, an ap homi en sebel-nusug weregman fiselaroho nobahasi.”

⁵It ap homi o Sion enerim boruk on de, enalong elehap debeselug waroho monde fesoukwag.

⁶It aire osuk angge o dumu, wilibuk elegman bug atuk anyo hag deg lamag;

⁷ap en oho eke baluk fug alereg, ite baloho kabog-dik lauk on ulug oho het duk fug alereg.

⁸It ap kwe etma lauk on en de, “Hat de TUHAN en fanoap hobaharuk kamag, ne niren oho TUHAN unuk fam hat fanoap habaharuk kahe,” uruk kamuhup.