Read Ninia Yali MAZMUR 13 Bible Online

MAZMUR 13 - Ninia Yali bible

MAZMUR 13

¹Ap homi en suni wilibi folug enebe seberoho urukmu melal-enepuk on fahet. Daud asuni anyo.

²TUHAN nakni, ke huli Haren an hapeleg atlug neg welaruhun? Ke li em Hat hebe an weregman horohole heraho fahat dalug welaruhun?

³Ne an nendama sugsagdoho wereg lit, nukoho hunduko nenda hesilduk kwit neg welaruhuk deg de, ke li em eleg aruhu? Ne, it ap homi an naselei on en neg sebel-nusug men de ke huli en eleg aruhu?

⁴TUHAN Allah nakni, an nobam hil fu nealug de, an den somban uruk kahi on ai onggo hweag-nimin. An nebe waramag ulug nobahauk fug, an nebe nomamne mun eleg atsi on suma obalma amagdoho nobahain.

⁵It naselei on uruk kwit, niren along elehapdoho fehe, ukwag ulug embesouk fug, ne, iren an nobahet enalitnoroho kuk salnabukwag ulug embesouk fug.

⁶An de Haren henda hundig napuk kahen on anyo fam neg dipdeg lahimu re, Haren an nahap wendat-napuk kahen ai fam de an nahayeg duruk karuhuk. At TUHAN en an fam mun fano ale neg durukmu re ai fam an den At obahet suni uruk katmin!