Read Ninia Yali MAZMUR 130 Bible Online

MAZMUR 130 - Ninia Yali bible

MAZMUR 130

¹Somban urukmu lauk kwit suni uruk katfag on. TUHAN, nakni anggin-fanggin buleman, Hat hobam an den hwi hapuk kahi.

²TUHAN, an nele ihi on hesanggo holeheg, an den heng habihi on fahet fu nobahakeg din.

³TUHAN nenakni, Haren nit nenesiag fahet henda ebereg lit neg welahen ha man, ap sa hag angge en Hat holohotma hambuk ha alereg?

⁴Famen de hobam ap homi en enakol husug lamag ulug de, Haren ap homi enesiag hapelehapdoho foruk ale fahet mun hambono.

⁵An de TUHAN en let-neowag ulug nangno hauk kahi, Aren sali wat-nitsi on anyo fahet fureg lit welahi.

⁶TUHAN fahet an den nendama ebereg welahi alere, it ap o hup angge kahaleg wereg on en sekan delep ulug nangno hauk on aire maben deg famen an den de mun alongdoho nangno hauk kahi.

⁷Yaho hit TUHAN omaliki on de At obam neg henenda beg deg welamek, Aren de nit mun enda hundig nenusug lit neg wereg ai en, ne nit nenahap wendat-nenepmin ulug fouk deg lit neg wereg.

⁸ Niren kwasik on humdoho duruhuk on etmano fam en, Aren nit fiselaroho nenobahaku.