Read Ninia Yali MAZMUR 136 Bible Online

MAZMUR 136 - Ninia Yali bible

MAZMUR 136

¹ TUHAN aire fanoreg ma, At neg dang duruk kamek; Enda hundig-nenepuk on aire mundoho-mundoho neg welaruhu.

²Allah mun Leho wereg on ai fam dang duruk kamek; Enda hundig-nenepuk on aire mundoho-mundoho neg welaruhu.

³TUHAN mun Humon ai fam dang duruk kamek; Enda hundig-nenepuk on aire mundoho-mundoho welaruhu.

⁴We Aren neg mun along on humon duruk; Enda hundig-nenepuk on aire mundoho-mundoho welaruhu.

⁵ At enda wenggeleg fam neg Aren bohol wal-debag; Enda hundig-nenepuk on aire mundoho-mundoho welaruhu.

⁶Aren kwenang au ik emberimmu doale febag; Enda hundig-nenepuk on aire mundoho-mundoho welaruhu.

⁷ Aren neg bohol fam etman ombagbag duruk angge wal-debebag; Enda hundig-nenepuk on aire mundoho-mundoho welaruhu.

⁸Mo re nukoho fahet welamag ulug debebag; Enda hundig-nenepuk on aire mundoho-mundoho welamag.

⁹bigalem inim sohwalanggen inim de hup angge fahet welamag ulug febag; Enda hundig-nenepuk on aire mundoho-mundoho welaruhu.

¹⁰ Aren de o Mesir on enomaliki wandeba on binggi enowatfag; Enda hundig-nenepuk on aire mundoho-mundoho welaruhu.

¹¹ It Israel on Aren o Mesir en og-eneplug wilibik watfag; Enda hundig-nenepuk on aire mundoho-mundoho welaruhu.

¹²Enggik mun omamne humon fam; Enda hundig-nenepuk on aire mundoho-mundoho welaruhu.

¹³ Laut Gelagah Aren neg biare febag; Enda hundig-nenepuk on aire mundoho-mundoho welaruhu.

¹⁴At omaliki Israel on anyo og-eneplug ik foma fil feseik lebag; Enda hundig-nenepuk on aire mundoho-mundoho welaruhu.

¹⁵Famen de raja Mesir on austi tentara nim de ik il apma belabe fesebag; Enda hundig-nenepuk on aire mundoho-mundoho welaruhu.

¹⁶Aren omaliki omano o lei kwe hondog-eneplug lebag; Enda hundig-nenepuk on aire mundoho-mundoho welaruhu.

¹⁷It ap raja ambolbolnahe on omano Aren neg enalong elehapdoho fesebag; Enda hundig-nenepuk on aire mundoho-mundoho neg welaruhu.

¹⁸It raja enunuk bogdeg enap omano Aren neg binggi enowatfag; Enda hundig-nenepuk on aire mundoho-mundoho neg welaruhu.

¹⁹ Hun Sihon raja Amori on mel; Enda hundig-nenepuk on aire mundoho-mundoho neg welaruhu.

²⁰ Ne Og raja Basan on mel; Enda hundig-nenepuk on aire mundoho-mundoho neg welaruhu.

²¹It enobam enanggwenang de At omaliki on fam og-esebag; Enda hundig-nenepuk on aire mundoho-mundoho neg welaruhu.

²²At amingming angge Israel anyo angge onggwareg en on asfag; Enda hundig-nenepuk on aire mundoho-mundoho welaruhu.

²³Nit nenalong elehapdoho nenobaharuk li em Aren nit fahet apeleg atuk fug; Enda hundig-nenepuk on aire mundoho-mundoho welaruhu.

²⁴It nenaselei on enenggikmu en nit fiselaroho nenobahasi; Enda hundig-nenepuk on aire mundoho-mundoho welaruhu.

²⁵Di on su on mundoho enoluk wereg angge etma Aren neg nauk angge og-esauk; Enda hundig-nenepuk on aire mundoho-mundoho welaruhu.

²⁶At Allah bohol fam along wereg on ai neg dang-duruk kamek; Enda hundig-nenepuk on aire mundoho-mundoho welaruhu.