Read Ninia Yali MAZMUR 137 Bible Online

MAZMUR 137 - Ninia Yali bible

MAZMUR 137

¹Ik Babel fam wirig atuk on aegma etman, hwerieg wereg lit Sion fahet wenggel-halug de oba yatuk katuhuk.

²O etman e wilo fam, niren nenembinggong kecapi sukni folug welatuhuk.

³It ap nit sen-neneplug lausa on en de, it enobahet suni ukwag ulug miming-nenepuk katswa. It ap nit sebel-nenusug wereg on en de, suni nenahayeg suni ukwag ulug miming-nenepuk kwit de, “Nit nenobahet suni o Sion on etma wilibiek!” ulug uruk katswa.

⁴Ap amu on enobam wereg lit etma niren, TUHAN obahet suni wilibehe ha alereg a?

⁵Yerusalem, an den hat hobahet napeleg atihik halug de, an den suni eke ihi ha fug alereg.

⁶An den hat hobahet napeleg atihik halug, ne hat anyo an nambono angge fug on hobaharihik halug an den suni eke ihi ha fug alereg!

⁷TUHAN nenakni, o Yerusalem siahap deberuk li em, it ap homi Edom enap en debag ale anyo fahet wenggel-hakiyug. Iren uruk kwit de, “Lilibug esakiyug, lilibug-lalabagdoho kwenang fam neg feiyug!” uruk katfag.

⁸ Hat Babel su, hat hebere mun elehap hobahakup! Haren mun siag on nit nenobam dirihin anyo fam de, ap henggik ambiangma hobahakup etma enahayeg hauk kamag.

⁹Ap homi hat homalik fou walug, duk helep unggul fene hwik-esauk katswa on etma enahayeg hauk kamag!