Read Ninia Yali MAZMUR 142 Bible Online

MAZMUR 142 - Ninia Yali bible

MAZMUR 142

¹ Suni at Daud en ebe owikmu wereg lit mamul-enepfag on.

²Nele mun omamne fam an den TUHAN hwiruruk kahi; nele hape fam let-nabukwag ulug hweag-utuk kahi.

³At olohotman an den nenek-yoba duruk kahi; an den anggin-fanggin hauk kahi ale etmano mundoho At hweag-utuk kahi.

⁴An nenda mundoho si ukli em an den duruk kahi ale Hat mundoho holuk deg. Kobokwe an lamin ulug duruk kahi kwe omano; it naselei on en ling-long angge an nobahet sabu yep duruk.

⁵An den naluluk kwe nil fi-fu hauk kahimen de, an let-nabuk on eke wereg fug mu hauk kahi. An nalong bal-napuk on eke wereg fug, ite an nebe deg lahi ale fahet kumu neauk on eke wereg fug.

⁶TUHAN nakni, an den we Hat hobam hwi-hapuk kahi, Hat hobam neg an nalong baleg wereg, an nebe noluk wereg li em eiya we Hat fahet neg an anggolo deg lahi.

⁷An den wol-hapuk kahi on su fubi-nobahain, an mundoho anggin anggoloroho hauk kahireg. It naselei on etma fam en nahap wendare nobahain; an den it de mundoho enomamne on deg ma esauk kahimu.

⁸Sabu hetdoho[73] fahat-nusugmu etman lole-nobahain, ai fam de it Hat homaliki humdoho kabogdeg on etmano enesahalimu en Haren an nobam fano ale duruk kahen ai fam Hat hunuk neg mot-hapuk karuhuk.