Read Ninia Yali MAZMUR 149 Bible Online

MAZMUR 149 - Ninia Yali bible

MAZMUR 149

¹TUHAN neg mot-diek! TUHAN obahet suni keron wilibiek, Ap homi At omaliki kabogdeg ma etman At mot-diek!

²Yaho hit Israel on, hit wal-henepsi on deg en henahayeg diek; Yaho hit ap homi o Sion welahep on hit henowe Raja deg en henambono diek!

³Si-holog duruk kwit At unuk mot-diek, hiren no kecapi mel rebana mel fam At mot-diek!

⁴At TUHAN en de omaliki fahet endama ahayeg boruk; Aren de ap homi enenda sebele fahat-dauk on fam enalongap debeseruk.

⁵It Allah omaliki en de At ebe hum along on deg ai fam enahayeg duruk kamag, ne enahayeg fam hup hundig suni uruk kamag.

⁶Iren enele lahog fam Allah mot-duruk kamag, enenggikmu karog mun aeg maho on seneg lit,

⁷it ap homi enunggul unuk amu on omano onggo enowatul ulug, ne it suku-suku mel enunggul unuk on mel, unggum og-esaul ulug;

⁸it raja het-enepul ulug, it enowesi enalong wereg on etmano sabu ilil-enebul ulug;

⁹At Allah ele melaleg fam it di enunggul unuk su enunggul unuk etmano unggum og-esaul ulug. It omaliki enda hundig-enepuk on enalong atuk alere airoho. TUHAN mot-diek!