Read Ninia Yali MAZMUR 15 Bible Online

MAZMUR 15 - Ninia Yali bible

MAZMUR 15

¹Daud Asuni. TUHAN nakni, ap sa hag angge en Hat hobam sabo wirigmu watlug welam alereg, ne ap sa hag angge en Hat handuk mun amu eneg on[9] ai fam welam alereg?

²We ap homi enebe fam en siag mel duk fug angge fano ale neg duruk on halug inim, ne enembilik fam en enameg demdoho on neg uruk on nim;

³it enori ininim wereg on omano enabug baluk eleg angge duruk on nim, are unuk siahapdoho foruk eleg angge duruk on nim, it enori enobam foma fil wereg on enunuk siahapdoho fesouk eleg angge duruk on nim;

⁴it ap homi Allah wene melaleg furebelug neg duruk on omano enalong bolug leho feseruk kwit, famen de ap homi Allah en erimdoho embeseruk on etmano sebeleg hagdoho deg ulug embeselug duruk on nim; an nenggikmu on mundoho eleg aruhu ai oluk deg kweleg famen, ele sali wat-esauk on anyo dipdoho neg debeseheg, duruk on nim;

⁵uang ap homi amu on fam iren on enenggikmu eleg li em og-esalug nangge anyo iren eke nim dopnoroho og-numuhup bouk eleg angge og-esauk on nim, ap siag duruk on ai ebe alemare femin ulug, uang enenggik apmane og-esaukmu hwelauk on anyo wauk eleg on nim neg. Ap homi airoho neg duruk on etma re enebe fam finik-fanoroho neg welamuhup.