Read Ninia Yali MAZMUR 23 Bible Online

MAZMUR 23 - Ninia Yali bible

MAZMUR 23

¹Daud Asuni. TUHAN, Hat de gembala an hwal-napuk on hag deg lahen ma, an nebe fam nangge elegdoho eke welahi fug.

² Haren de enggelangge hesilig on fam, an yinggi nobahakeg, Haren de ik il bik-bok wereg on fam hondog naplug nobahaik laheg.

³Haren de an nomamneap kwelap nabeheg, Haren hele sali irihin aleroho kwe ebe on fam og-naplug laheg, duruk kahen.

⁴An nebe o mun mum-mam deg kwe lauk kahi famen, Hat hebe an nambieg lauk kahema re di on su on nobam atuk ale fahet an nakol napuk fug. Ap gembala en enendomuk inim e bayuk inim fam domba enalong balduk anyo hag, Haren an nalong bal-napuk kahen.

⁵It an naselei on enelohotman de, an nobahet soni bobag esag napuk kahen. Ap kain on enembog waharukmu hagdoho, Haren an og-napuk kahen. Haren de ahalue nauk on mun elesopdoho hwenanggoho og-nutuk kahen.

⁶Haren an nobam fanoreg lit welaheg, ne an henda hundig nusug lit welaheg, deg lahen ale aire, an oho mundoho noluk deg. Ai fam de an noluk wereg lit, Hat hobam olma mundoho welaruhuk.